Bukas ang Department of Health na makipagtulungan sa Public Attorney’s Office sa kaso ng mga batang sinasabing namatay matapos mabakunahan ng Dengvaxia.
Ayon sa DOH, kaisa sila ng sinomang nagnanais na malaman kung talagang may masamang epekto ang naturang bakuna. Ngunit hinihiling din ng DOH sa PAO na mabigyan sila ng kopya ng isinasagawa nilang independent forensic examination.
Ayon kay DOH Usec. Eric Domingo, plano ng Kagawaran ng Kalusugan na makipag-usap sa PAO upang magtuwang nilang matulungan ang mga magulang ng mga naturang bata.
Ayon naman kay PAO Chief Atty. Persida Acosta, handa silang ilabas ang mga resulta sa publiko at makipagtulungan sa mga ahensya ng pamahalaan upang bigyang hustisya ang kamatayan ng mga bata.
Samantala, bukod sa batang babae mula sa Quezon City, dalawang batang lalaki pa mula sa Laguna at Cavite na in- autopsy na noong Linggo.
Ngayong araw, may dalawang bangkay pa ang isinailalim muli ng autopsy ng PAO. Patuloy din ang pagsusuri ng panel of experts ng PGH sa hawak nilang mga clinical records at history ng mga batang namatay din umano dahil sa Dengvaxia.
Inaasahan ng DOH na matatapos ito sa lalong madaling panahon upang ilakip sa mga ulat na isismuite para sa ginagawang imbestigasyon ng Kamara at ng Department of Justice.
( Aiko Miguel / UNTV Correspondent )
METRO MANILA – Nilinaw ng Department of Health (DOH) na walang naiulat na nasawi dahil sa Monkeypox na tinatawag na ngayong MPOX.
Ayon kay Health Assistant Secretary Albert Domingo, walang pasyenteng nasawi sa MPOX mula sa anomang rehiyon ng bansa .
Nilinaw ito kasunod ng ulat na iniimbestigahan ng DOH sa Central Visayas ang pagkasawi ng isang 27-anyos na lalaki mula sa Negros Oriental, sa pinaghihinalaang kaso ng MPOX.
Paliwanag ni Asec. Domingo, halos magkahawig kasi ang mga butlig o sintomas ng chickenpox, shingles, herpes, at MPIX.
Kaya paalala niya na antayin ang opisyal na pahayag mula sa DOH at iwasan ang paggamit ng hindi beripikadong impormasyon.
METRO MANILA – Umakyat na sa 9 ang bilang ng mga nagpositibo sa sakit na Pertussis sa buong Caraga region mula January 1 hanggang kahapon, June 3.
Ayon sa Department of Health (DOH), mula sa 5 ay naging 9 ang nagpositibo sa rehiyon sa pagpasok ng buwan ng hunyo. 7 rito ay mula sa Surigao Del Norte habang tig-1 naman sa Agusan Del Norte at Agusan Del Sur.
Samantala, nasa 7 naman ang bagong suspected cases na naitala sa rehiyon. Sa ngayon 3 na ang nasawi dahil sa sakit na Pertussis sa Caraga.
Paalala ng kagawaran sa publiko na ang nasabing sakit ay nagsisimula lamang sa mild cough at lagnat na umaabot hanggang 2 Linggo, at pag-ubo naman na umaabot hanggang 6 na Linggo kaya mas maiging magpatingin agad sa doktor kung makaranas ng mga sintomas na ito upang hindi na lumala pa.
METRO MANILA – Binalaan ni House Deputy Majority Leader at dating Department of Health (DOH) Secretary Janette Garin ang publiko laban sa paggamit ng vape.
Kasunod ito ng naitalang kauna-unahang kaso ng pagkamatay sa Pilipinas dahil sa paggamit nito kung saan ang isang 22 anyos na lalaki ang nasawi matapos ang tuloy-tuloy na paggamit ng vape sa loob ng 2 taon.
Sa isang pahayag, sinabi ng mambabatas na kailangan mamulat na ang lahat sa panganib ng paggamit ng naturang device lalo na sa mga kabataan dahil sa masamang epekto nito sa katawan na maaaring mauwi sa kamatayan.
Ikinababahala ni Representative Garin ang mga ulat na nagsasabing may mga kabataang edad 13 anyos ang nahuling gumagamit na ng e-cigarette at vapes kaya muli nitong binigyang-diin na hindi safe na gawing alternatibong paraan ang nasabing kagamitan para maiwasan ang paninigarilyo.
