May mga foreign terrorist na umano ang nakapasok sa bansa gamit ang south backdoor ayon sa natanggap na ulat ni DND Sec. Delfin Lorenzana mula Malaysia at Indonesia.
Pero ayon kay Lorenzana, wala pa silang natatanggap na impormasyon mula sa mga tropa ng militar na nasa ground at kasalukuyan pa nila itong beniberipika.
Ayon sa Armed Forces of the Philippines, ang kasaluyan nilang tinututukan ay ang mga home grown terrorist. Kung saan ang ilan sa mga ito ay kamag-anak ng napaslang na mga Maute fighters.
Ang home grown terrorist ang isa sa dahilan kung bakit inirekomenda nilang ma-extend ang martial law sa Mindanao.
Ayon sa Phil. Army, mas madaling makakagalaw ang militar laban sa mga terorista kung mayroong martial law.
( Lea Ylagan / UNTV Correspondent )
