Ang Diving Resort Travel Show ay perfect combination ng recreational diving at ng ating tourist destinations, kaya naman one stop shop para sa lahat ng mga naghahanap ng diving at tourist spot sa bansa, mapadayuhan man o kapwa Pilipino.
Mahigit isang daang exhibitors ang nakibahagi sa 3 days event na ito, kung saan napansin ng DRT President ang growing market ng Pilipinas sa Asya at sa buong mundo.
Kaagapay naman nito ang sangay ng pamahalaan, ang Philippine Commission on Sports Scuba Diving, upang masiguro ang kapakanan ng lahat ng local at foreign divers sa bansa.
Magandang pagkakataon din ito upang makabili ng latest gadgets at discounted scuba diving gears, at makapakinig ng mga seminars tulad ng underwater photography at marine life conservation.
Ilang mga artista rin ang bumisita rito tulad ni Luis Manzano, Jessie Mendiola at Jaya.
Bumisita rin ang ating Mr.Public Service Kuya Daniel Razon sa booth ng UNTV, dahil kaisa rin ang UNTV Dive Team at Professional Scuba Diving International sa magagandang adbokasiya at pagtatanyag ng mga bagong tuklas na dive sites tulad sa Morong Bataan.
(Bryan Evangelista / UNTV Correspondent)
