METRO MANILA, Philippines – Matapos na masimulan ang distribusyon sa Metro Manila, handa na ang Land Transportation Franchising and Regulatory Board (LTFRB) at Land Bank of the Philippines sa pamimigay ng fuel voucher sa mga probinsya.
Ito ay isang programa ng pamahalaan upang matulungan ang mga public utility jeepney (PUJ) operator na lubhang apektado ng pagtaas ng presyo ng nga produktong petrolyo dahil sa TRAIN law. Ang bawat voucher card ay naglalaman ng 835 piso na pang gasoline, isang beses kada buwan.
Ayon kay LTFRB Chairman Martin Delgra, sisimulan ang pamamahagi ng fuel voucher sa mga PUJ operator sa mga lalawigan sa ika-28 ng Agosto.
Kasama sa mga makatatanggap ng ayuda ang mga PUJ sa mga rehiyon ng 2,4,6,7,8,9,11 at 12. Target namang simulan ng LTFRB ang pamamahagi ng fuel voucher sa iba pang mga lalawigan sa ika-31 ng Agosto.
Bagaman malaking bagay na ang ayuda ng pamahalaan, para sa ilang jeepney driver mas makabubuti kung gawan ng paraan ng gobyerno na mapapaba ang presyo ng mga produktong petrolyo.
Nitong ika-14 ng Agosto, nasa 738 pa lamang na mga fuel voucher ang naipapamahagi ng LTFRB sa Metro Manila.
Dahil dito, plano ng ahensya na makipag-ugnayan sa mga lokal na pamahalaan upang magkapaglagay ng mga distribution center sa mga lugar na mas madaling mapupuntahan ng mga jeepney operator para sa mas mabilis na pag-iisyu ng mga fuel voucher card.
( Joan Nano / UNTV Correspondent )
Tags: fuel voucher, LTFRB, TRAIN Law
METRO MANILA – Inanunsyo ng Land Transportation Franchising and Regulatory Board (LTFRB) na wala nang extension sa provisional authority to operate ng mga jeep na hindi nakapasok sa franchise consolidation.
Binigyang-diin ni LTFRB Chairperson Teofilo Guadiz III na hindi na nila nais pag-aralan pa ang nasabing request ng ibang mga driver at operator dahil nakatuon na sila ngayon sa implementasyon ng modernization program.
Sinimulan na ng ahensya ang crackdown sa mga colorum na jeep gamit ang ibang pamamaraan dahil wala pang available na guidelines para sa on the ground apprehension ng unconsolidated jeepneys.
Wala pang approval ng Department of Transportation (DOTr) ang dapat gawin ukol dito.
Kailangan namang magpakita ng papeles ng isang jeep na mahuhuling hindi rehistrado para mapatunayan na sila ay nakapag-consolidate kapag tinubos na nila ito.
METRO MANILA – Inisyuhan na ng show cause order ng Land Transportation Franchising and Regulatory Board (LTFRB) ang operator ng jeep na nag body shame sa isang pasahero noong June 7.
Ipinatatawag ng LTFRB ang may-ari ng jeep na sangkot sa insidente at pinadadalo sa isang pagdinig na gaganapin sa Biyernes ng alas dos y medya ng hapon.
Nag-ugat ang isyu mula sa post ng pasaherong si Joysh Gutierrez.
Kwento nito, pinababa siya ng driver ng jeep na kaniyang nasakyan, dahil umano sa pagiging mataba ng kaniyang pangangatawan.
Kinunan niya ito ng video, at dumulog sa kinauukulan upang ireklamo ang pangbabastos at pamamahiya sa kaniya ng driver.
Muli namang ipinaalala ng LTFRB na hindi maaaring mamimili ng pasahero ang mga driver ng mga pampublikong sasakyan, at lalo’t higit na ipinababawal ang pagtanggi sa ang mga ito dahil lamang sa kanilang timbang.
Tags: LTFRB
METRO MANILA – Hinimok ng ilang mga Kongresista ang Land Transportation Franchising and Regulatory Board (LTFRB) at Department of Transportation (DOTr) na payagang makabyahe ang mga unconsolidated jeepney kahit natapos na ang deadline ng franchise consolidation.
Nanawagan sila na huwag gawing sapilitan ang franchise consolidation.
Ayon naman kay LTFRB Chairman Teofilo Guadiz III, pag-aaralan nila ang swestyon ni Rizal 3rd District Representative Jose Arturo Garcia Jr. na payagan na lang muna ang mga ayaw talagang magpa-consolidate.
