Dedesisyunan na ngayong araw ng Senate Electoral Tribunal (SET) ang disqualification case na isinampa ni Rizalito David laban kay Sen. Grace Poe.
Kaugnay nito ay umaasa ang senadora na magiging patas ang siyam na miembro ng SET sa pagpapasya sa kanyang kaso bagamat hindi mawawala rito ang pagkaramdam ng kaba.
Pahayag ni Poe, “Ako’y nagdadasal at umaasa na sanay maging patas lahat yun. Para sa akin, syempre, ikagagalak ko kung sila man ay bomoto pabor sa akin.”
Sakaling hindi pumabor sa kanya ang maging hatol ng SET ay aapela aniya siya sa Korte Suprema.
Isinusulong ni Poe sa Senado ang karapatan ng mga foundling na katulad niya.
Si Poe ay iniwan ng kanyang biological parents sa isang simbahan sa Jaro, Iloilo at inampon ng mag-asawang Fernando Poe Jr. at Susan Roces.
