DILG, hinikayat ang mga Mayor na gawing pay parking area ang mga bakanteng lote

by Radyo La Verdad | August 7, 2019 (Wednesday) | 2968

Hinikayat ng Department of the Interior and Local Government ang mga Mayor sa buong bansa na gawing pay parking area o PUV terminals ang mga bakanteng lote sa kanilang lugar. Ito ay upang may malugaran ang mga sasakyan na apektado ng ipinatutupad na nationwide clearing operations ng pamahalaan.

Ayon kay DILG Undersecretary Jonathan Malaya, ito ang maituturing na long term win-win solution dahil luluwag ang mga kalsada at maari namang kumita ang mga private land owners sa pamamagitan ng pagpaparenta sa kanilang lugar.

Hinikayat ni Malaya ang mga private land owners na makipagtulungan sa lokal na pamahalaan. Aniya maari namang maging malikhain ang mga Mayor upang mahikayat ang mga vacant land owners na makiisa sa programa, gaya ng pagbibigay ng discount sa pagbabayad ng business permits.

Tags: ,

DILG hinikayat ang mga LGU’s na mag-update ng disaster action plans at hazard maps sa pagpasok ng La Niña

by Radyo La Verdad | May 16, 2024 (Thursday) | 102910

METRO MANILA – Hinikayat ng DILG ang mga Local Governments Units (LGUs) na i-update ang kanilang disaster action plans at hazard maps para sa pagpasok ng La Niña phenomenon.

Ayon kay DILG Undersecretary Marlo Iringan, kinakailangan na regular na magdaos ng pagpupulong ang mga lokal na opisyal at magsagawa ng la nina pre-disaster risk assessment.

Nanawagan din ito ng agresibong paglilinis ng Estero at daluyan ng tubig upang maiwasan ang mga pagbaha bilang bahagi ng mitigation measures sa ilalim ng operation listo ng ahensya.

Kinakailangan din na masuri ang integridad at kapasidad ng mga evacuation center at huling opsyon na lamang ang paggamit ng paaralan.

Nauna ng inatasan ni Pangulong Ferdinand Marcos Jr. ang mga LGU na maghanda sa paparating na La niña sa kabila pa rin ito ng nararanasang El niño ng bansa.

Tags: ,

Special committee na tututok sa human rights sa PH, binuo ni PBBM

by Radyo La Verdad | May 13, 2024 (Monday) | 166825

METRO MANILA – Binuo ni Pangulong Ferdinand Marcos Junior ang isang special committee na tututok sa pagtatanggol at pagpapalakas sa karapatang pantao sa bansa.

Batay sa Administrative Order (AO) Number 22 na nilagdaan ni Executive Secretary Lucas Bersamin nitong May 8, nakasaad na pamumunuan ang komite ng nabanggit na opisyal at ni Justice Secretary Crispin Remulla bilang Co-Chair nito.

Magiging katuwang nila ang mga kalihim ng Department of Foreign Affairs (DFA) at ng Department of the Interior and Local Government (DILG).

Isa sa pangunahing tungkulin ng komite ang mag-imbestiga, kumuha ng datos hinggil sa mga hnihinalang human rights violations ng law enforcement agencies at makipagtulungan sa private sectors.

Tags: ,

Kampanya vs. Child Online Sexual Abuse sa bansa, palalakasin – PBBM

by Radyo La Verdad | April 26, 2024 (Friday) | 83686

METRO MANILA – Nagbigay na ng direktiba si Pangulong Ferdinand Marcos Junior  sa Department of the Interior and Local Government (DILG) at mga law enforcement agency na palakasin ang kampanya laban sa mga umaabuso sa mga kabataan.

Ikinabahala kasi ng pangulo ang online sexual abuse o exploitation of children at child sexual abuse o exploitation materials sa bansa, partikular na sa Cagayan De Oro, Iligan at sa Taguig City.

Tiniyak naman ng Philippine National Police na gagawin ang lahat ng paraan para matukoy ang mga nagpapatakbo ng ilegal na gawain na ito kahit na may hamon sa paggamit ng teknolohiya.

Tags: , ,

More News