Binisita ni Foreign Affairs Secretary Perfecto Yasay noong Linggo ang ating mga kababayan sa Saudi Arabia upang alamin ang kani-kanilang mga kalagayan bago ang inaasahang pagbisita ni Pangulong Rodrigo Duterte sa mga susunod na buwan.

Kabilang sa mga inaalam ni Sec. Yasay ay ang hinaing ng ating mga kababayan na nais maiparating sa pangulo.

Sinabi rin ni Secretary Yasay na ginagawan na ng paraan ng pamahalaan ang tumataas na kaso ng pang-aabuso sa mga Pilipinong namamasukan bilang domestic helper sa Saudi Arabia.

Nais rin ng kalihim na maipaalala sa mga Pilipino ang maging tapat sa kanilang serbisyo at agad makipag-ugnayan sa mga kinauukulan kung nakararanas ng mga problema sa pinapasukang trabaho.

(Marlon Briola / UNTV Correspondent)

Tags: DFA, mga napapaulat na kasong pang-aabuso sa mga OFW sa Saudi Arabia, tiniyak na inaaksyunan na ng pamahalaan