Maaaring makasuhan ng perjury si Department of Foreign Affairs Secretary Perfecto Yasay kapag napatunayang nagsinungaling siya sa Commission on Appointments patungkol sa kanyang citizenship.

Una nang itinanggi ng kalihim na isa siyang American citizen sa kabila ng paninirahan ng matagal na panahon sa Amerika.

Hindi naman natuloy ang kumpirmasyon ni Yasay noong isang linggo dahil humingi pa ang panel ng komite ng karagdagang dokumento patungkol sa kalihim.

Ayon kay Sen. Panfilo Lacson na chairman ng Foreign Affairs Committee ng CA sa susunod pa linggo pa nila ipagpapatuloy ang confirmation hearing kay Yasay dahil hindi ito makakapunta sa schedule bukas.

(Joyce Balancio / UNTV Correspondent)

Tags: CA, citizenship, DFA Sec. Perfecto Yasay, nagsinungaling, perjury