Nanindigan ang Department of Education (DepEd) Region XI na wala itong inilabas na closure order sa Salugpongan community schools sa Talaingod, Davao del Norte.
Ito ay matapos magkasundo ang mga tribal leaders sa Talaingod na ipasara ang Salugpongan learning center sa kanilang kumonidad dahil iba na umano ang mga itinuturo sa mga studyante.
Ayon kay Jenielito Atillo, tagapagsalita ng DepEd XI, valid pa rin ang permit ng Salugpongan learning center para makapag-operate sa nasabing lugar.
Sinasabing sa learning center umano balak dalhin ng grupo ni Bayan Muna Rep. Satur Ocampo ang labing apat na menor de edad na kasama nila nang arestuhin sa checkpoint sa Barangay Sto.Nino, Tagalingod Davao del Norte madaling araw noong ika-29 ng Nobyembre.
Inaresto si Ocampo dahil wala umanong pahintulot ng mga magulang ang pagsama sa mga menor de edad.
Hinimok naman ng DepEd ang mga nagsasabing iba na ang itinuturo sa mga Lumad schools na maglabas ng ibidensya.
Nirerespeto naman ng DepEd ang desisyon ng mga tribal leaders at provincial government ng Talaingod na ipasara ang Salugpongan community schools.
Sa ngayon, pinag-aaralan na ng DepEd ang alternatibong paraan para hindi maantala ang pag-aaral ng mga Lumad sa lugar.
( Janice Ingente / UNTV Correspondent )
Tags: Davao del Norte, DepEd XI, lumad
METRO MANILA – Namahagi ang Davao del Norte Police ng 22 karit, 20 hasaan, 10 kutsilyo, 2 knapsack sprayer at 66 na botas sa miyembro ng Suop Igangon Luya Association bilang bahagi ng programa sa pagtulong sa ating mga kababayang magsasaka.
Layon nito na magkaroon ng magandang ani ang ating mga magsasaka.
Inaasahan ni PNP Chief Police General Guillermo Eleazar na magsilbi itong ehemplo sa iba at pinasalamatan din nya ang mga pulis na naging bahagi nitong gawain.
“Malaking tulong ito para sa ating mga magsasaka na siguradong apektado nitong pandemya. Sa ngayong nahaharap ang lahat sa krisis, mas lalong kailangan ang pagtutulungan kahit sa maliit na paraan,” ani PNP Chief PGen Eleazar.
(Zy Cabiles | La Verdad Correspondent)
Tags: Davao del Norte
Nagtungo sa Camp Crame ang isang grupo ng mga Lumad mula sa Mindanao upang makipagpulong kay PNP Chief Oscar Albayalde. Nais ng grupo na linisin ang kanilang pangalan at patunayan na hindi sila miyembro ng New People’s Army (NPA).
Ayon kay Mindanao Indigenous Peoples Coalition for Cultural, Justice and Integrity Chairman Lipatuan Unad, madalas na ginagaya sa mga rally laban sa gobyerno ang kanilang mga kasuotan at kultura ngunit hindi nila miyembro ang mga ito. Sa katunayan, marami na ang napapatay sa kanilang hanay dahil sa pagtanggi sa NPA.
Humihingi din ng proteksyon sa PNP ang mga ito laban sa rebeldeng grupo na nagtuturo sa mga kabataan ng paglaban sa gobyerno.
Hindi naman maaaring pagbigyan ng PNP ang hiling na armas ng grupo, sa halip ay ipinangako na lamang ni Gen. Albayalde ang pagbibigay ng seguridad ng mga ito.
Matatandaang una ng sinabi ng AFP na may isasagawang Lakbay Lumad Europe ngayong Nobyembre ang NPA bilang bahagi ng planong pagpapatalsik kay Pangulong Rodrigo Duterte matapos hindi nagtagumpay ang Red October plot nitong Setyembre.
( Lea Ylagan / UNTV Correspondent )
Isang patay na whale shark ang natagpuan sa baybayin ng Tagum City, Davao del Norte noong Lunes.
Sa facebook post ng environmentalist na si Darrell Blatchley, makikita ang labing apat na talampakan balyena.
Sa necropsy na isinagawa ni Blatchley sa whale shark, natagpuan ang ilang plastic sa loob nito.
