METRO MANILA – Natagpuan sa paanan ng bulkang Mayon ang posibleng debris mula sa nawawalang Cessna RPC340 nitong Linggo ng umaga, February 19.
Ang debris na ito na nakuhanan sa pamamagitan ng camera, ay natagpuan sa taas na 6,500 feet o 350 meter mula sa bunganga ng Mayon sa bayan ng Camalig, Albay.
Hindi pa matukoy ng mga otoridad kung buhay o patay ang 4 na sakay nito na 2 Pilipino at 2 Australian national.
Dahil dito, patungo na sa crash site ang iba’t ibang search and rescue teams kasama ang ilang mountaineers.
Nawala ang kontak sa nasabing aircraft noong Sabado (February 18) matapos itong umalis sa Bicol International Airport.
Tags: Bicol, Cessna plane
METRO MANILA – Hindi pa rin tukoy ng mga otoridad ang sanhi ng pagbagsak Cessna plane 340A sa dalisidis ng Mt. Mayon noong Sabado February 18.
Ayon sa Civil Aviation Authority of the Philippines (CAAP), isa sa inaalam ngayon ay kung bakit walang blackbox ang Cessna plane.
Dagdag pa ng CAAP posibleng hindi nakapasa sa weight restriction ang naturang eroplano kaya hindi ito nalagyan ng blackbox.
Kasama din sa aalamin ng CAAP, kung nakakasunod ba ang operator o may-ari ng Cessna 340A sa annual inspection.
Bukod sa machine malfunction tinitignan din ng CAAP ang anggulong human error sa nangyaring aksidente.
Samantala natagpuan na ang labi ng 4 na pasahero ng bumagsak na eroplano.
Kumukuha na lang ng tiyempo ang mga otoridad para maibaba sa dalisdis ng bulkan ang 4 na katawan.
Tags: CAAP, Cessna plane
Kinumpirma na ng Civil Aviation Authority of the Philippines na ang natagpuang aircraft malapit sa bunganga ng Mayon volcano ay ang nawawalang Cessna 340. Pero bago pa mapuntahan ang lokasyon nito, ibat-ibang panganib ang posibleng kaharapin ng mga rescuer sa nag aalburotong bulkan.
Nasa alert level 2 pa rin ngayon an Mt. Mayon. Ayon sa resident volcanologist na si Dr. Paul Alanis, mapanganib ang pagpasok sa 6 kilometer permanent danger zone ng bulkan.
Kung isasagawa ang search and rescue operation sa bumaksak na Cessna plane ay may kakaharaping panganib ang mga rescuer lalo na kung gagamit ng chopper.
“May possibility na magkaroon ng mga phreatic eruptions sa loob and ang danger nito unang una sa mga search and rescue operators dahil pwedeng magkaroon ng phyroclastic density currents. Next is kung may aircraft na ginagamit pwedeng mahigop yung mga debris na na ito ng mga makina and then magdulot ng isang aksident,” ani Dr. Paul Alanis, Resident Volcanologist, Mt. Mayon.
Matarik din aniya ang pinagbagsakan ng eroplano at nasa 2 kilometro pa ang taas nito. Kung maglalakad naman paakyat ng bulakan ay may panganib din sa mga daraanan gaya ng lahar o flash flood dahil sa mga nakaraang pag-ulan. Idagdag pa aniya dito ang mga naglalaglag na bato.
Kailangan lamang aniya ng magdala ng mga personal protective equipment ang mga rescuer kasama na ang mask dahil naman sa gas na posibleng ilabas din ng bulkan.
Una rito ay kinumpirma ng Civil Aviation Authority of the Philippines na ang natagpuang aircraft malapit sa bunganga ng Mayon volcano ay ang nawawalang Cessna 340, subalit hindi pa matukoy ang kondisyon o kalagayan ng mga crew at pasahero nito dahil hindi pa naaabot ng search and rescue team ang eksaktong lokasyon ng crash site dahil sa masamang lagay ng panahon.
Ayon sa PAGASA, inaasahang mababawasan ang mga pag-ulan sa mga susunod na araw sa Bicol region, kaya ayon sa weather specialist ng PAGASA na si Aldcsar Aurelio, hanggang Biyernes ay maaaring tumiyempo ang mga rescuer kung pupunta sa pinagbagsakan ng eroplano sa Mt. Mayon.
Pero pagdating ng Sabado at Linggo ay inaasahang lalakas uli ang amihan na magdadala ng mga pagulan.
Rey Pelayo | UNTV News
Tags: Cessna plane, Mt. Mayon
ALBAY, Philippines – Pinabulaanan ng National Democratic Front of the Philippines-Bicol, ang mga akusasyon na sila ang nasa likod ng pamamaril kay Ako Bicol Party-list Representative Rodel Batocabe.
Sa opisyal na pahayag na inilabas ng grupo, iginiit ng mga ito na walang anumang unit ang NPA na sangkot sa naturang krimen.
Samantala, nagbanta ang Pangulo na sasampalin at kokomprontahin ang sinasabing politiko na nasa likod ng pagpaslang sa dating mambabatas. Iginiit din nito na hindi niya kukunsintihin ang anumang uri ng political terrorism.
“I will not allow political terrorism, oppression and intimidation. So, kung nakinig kayo ngayon kung hindi ikaw it’s a glory, but if you are the one na gumagawa ng kalokohan, pinapatay yung mga kalaban…pupuntahan kita dito. I will personally confront you. ‘Pagka hindi tayo nagkaintindihan, sampalin kita dito sa harap at kung may ebidensya ako, kakaladkarin kita.”
Dagdag pa ng Punong Ehekutibo, “If I say politically motivated, it could be the governor, it could be a barangay captain, but my favorite name now is mayor. But I am not saying who that mayor is.”
Inirekomenda na ni Pangulong Duterte sa Commission on Elections na isailalim na sa kanilang control ang bayan ng Daraga, Albay. Layon aniya nito na mahigpit na mabantayan ang anumang banta ng karahasan sa lugar na may kaugnayan sa nalalapit na halalan.
Muli ring nagpaalala ang Pangulo sa lahat ng mga kumakandidato hinggil sa Alunan doctrine. Kung saan mahigpit na ipinagbawawal sa mga ito ang pagkakaroon ng mga body guard na mayroon matataas na kalibre ng armas maliban na lamang kung may pahintulot mula sa Comelec.
Tags: batocabe, Bicol, National Democratic Front of the Philippines, Rodrigo Duterte
