Hinihiling ng prosekusyon sa Sandiganbayan 1st Division na patawan ng preventive suspension ang ilang opisyal ng Department of Budget and Management at Technology and Resource Center sa loob ng siyam na pung araw.

Kabilang sa mga pinapasuspindi sina DBM Undersecretary Mario Relampagos, tatlong staff ng DBM at limang emplayado ng Technology and Resource Center.

Nahaharap ang mga ito sa kasong graft dahil sa umano’y partisipasyon nila sa paglalagay ng PDAF ni dating Cagayan de Oro Rep. Constantino Jaraula sa mga pekeng NGOS ni Janet Lim Napoles.

Ayon sa prosekusyon, ang preventive suspension ay upang hindi magamit ng mga ito ang kanilang posisyon upang maimpluwensyahan ang mga testigo at ibang ebidensya na maaaring magamit laban sa kanila.

Tags: dating Cagayan de Oro Rep. Constantino Jaraula, Janet Lim Napoles