Nagsimula nang manungkulan bilang bagong hepe ng National Prosecution Service ng Department of Justice si Prosecutor General Victor Sepulveda.

Dating Senior Deputy City Prosecutor ng Davao si Sepulveda at naging piskal sa loob ng halos tatlong dekada.

Pinalitan niya si dating NPS OIC Jorge Catalan at si dating Prosecutor General Claro Arellano na naitalaga naman bilang POEA administrator.

Ayon kay Justice Sec. Vitaliano Aguirre, personal choice ni Pangulong Duterte si Sepulveda na bukod sa pagiging ka-brod sa fraternity ay kaibigang matalik din ng first family.

Nangako naman si Sepulveda ng patas na pagtrato sa mga kaso at isa sa mga unang gagawin niya sa pwesto ay magkaroon ng imbentaryo ng mga kasong nakabinbin sa DOJ.

(Roderic Mendoza / UNTV Correspondent)

Tags: Davao City Prosecutor, nagsimula nang manungkulan bilang bagong Prosecutor General