Dinepensahan ng Malakanyang si Pangulong Rodrigo Duterte kaugnay ng sinabi nitong nais nitong maging successor niya ang kaniyang anak na si Davao City Mayor Sara Duterte-Carpio

Ginawa ng Pangulo ang pahayag noong nakaraang Biyernes sa isang pagtitipon sa Davao City.

Ayon kay Presidential Spokesperson Undersecretary Ernesto Abella, hindi ito nangangahulugan ng pagpapalawig ng kapangyarihan ng pamilya.

Kung si Presidential Chief Legal Counsel Atty. Salvador Panelo naman ang tatanungin, may kapasidad si Mayor Sara na maging Presidente ng Pilipinas gaya ng kaniyang ama.

Kasing galing umano ni Inday ang punong ehekutibo at mas istrikto pa nga ito kaysa sa kaniyang ama.

Ngunit ayon naman kay Mayor o Inday Sara, maraming may mas kapasidad at karapat-dapat kaysa sa kaniya sa pwesto.

( Rosalie Coz / UNTV Correspondent )

Tags: Atty. Salvador Panelo, Mayor Sara Duterte, PCLC Atty. Panelo