Handa ng kwestyunin ni dating Senador Panfilo Lacson sa Korte Suprema ang muling pagbuhay sa Priority Development Assistance Fund at Disbursment Accelaration Program o DAP sa 2015 national budget.
Ayon kay Lacson may hawak na silang ebidensya at dokumento na magpapatunay sa kanyang sinasabi na may pork barrel pa rin sa pambansang budget para sa taong 2015.
Ayon kay Lacson sa susunod na linggo na nila isasampa sa korte ang petition for prohibition sa sinasabing pork barrel sa 2015 national budget.
Sinabi pa ni Lacson kapag ang isang mambabatas umano ay nakialam sa paglalaan ng budget sa kanyang distrito sa national budget maliwanag na ito ay pdaf.
Ayon pa kay Lacson, ang mga pangalan ng mga mambabatas na may pdaf pa rin ay ilalagay niya sa ihahaing petisyon sa korte.
