Pansamantalang nakalaya si dating Philippine National Police Chief Avelino Razon sa kabila ng kasong kinakaharap nito sa Sandiganbayan.
Nakapagpiyansa na siya ng 520 thousand pesos para sa 4 counts ng graft at 2 counts ng malversation through falsification of public documents.
Ang pagpayag ng Sandiganbayan na makalaya si Razon ay alinsunod sa naging resolusyon ng Korte Suprema na nagsasabing karapatan ng mga akusado na magpiyansa sa kasong malversation through falsification.
Nakasuhan sina Razon at labing apat na iba pa sa Sandiganbayan dahil sa umano’y ghost repair ng dalawamput walong armoured vehicles na nagkakahalaga ng 385 million pesos noong 2007.
Sa labin limang akusado sa kaso, labing tatlo na ang nakapagpiyansa sa Sandiganbayan.
Tags: Dating PNP Chief Avelino Razon, mga kaso, Sandiganbayan
