Humingi si dating MRT Gen Manager Al Vitangcol III sa Sandiganbayan ng abogado mula sa Public Attorney’s Office o PAO upang irepresenta siya sa paglilitis sa korte.
Nahaharap si Vitangcol sa kasong graft at paglabag sa government procurement law dahil sa umano’y pagbibigay ng pabor sa PH Trams para sa maintenance ng MRT noong 2012 kahit pa may conflict of interest sa deal na ito.
Sa mosyon na sinulat at pinirmahan mismo ni Vitangcol, sinabi nitong hirap siyang makahanap ng abogado na magrerepresenta sa kanya.
Sinubukan na raw niyang lumapit sa mga prominenteng law firm, ngunit hinihingan siya ng isang milyung piso para sa acceptance fee at iba pang legal fee.
Hindi raw ito kayang bayaran ni Vitangcol dahil magmula nang mabahiran ang kanyang reputasyon dahil kaso, hindi na siya nakakakuha ng kliyente bilang private lawyer.
At dahil may hold departure order siya, nalilimitahan siya at hindi na aasikaso ang kanyang mga negosyo.
Una nang sinabi ni Atty. Al Vitangcol na bagaman abogado siya, hindi niya gusto na irepresenta ang kanyang sarili sa korte dahil sa posibleng emotional attachment niya sa kaso.
Ayon naman kay Atty. Persida Acosta, ang Chair ng Public Attorney’s Office o PAO, handa siyang magbigay ng senior counsel nahahawak sa kaso ni Vitangcol kung ipaguutos ng Sandiganbayan.
Ayon kay Acosta kailangan lamang ay mapatunayan ni Vitangcol na wala siyang pagkukuhanan ng pambayad sa abogado.
Nito lamang nakaraang linggo, nagtalaga ang korte ng isang PAO lawyer kay Vitangcol upang magrepresenta sa kanyang arraignment dahil wala siyang kasamang abogado.
Tumangging maghain ng plea si Vitangcol sa kanyang kaso.
(Joyce Balancio/UNTV News)
Tags: Dating MRT Gen Manager Al Vitangcol III, Public Attorney's Office
Dalawang batang babae sa Bataan at Quezon City ang namatay umano matapos bakunahan ng Dengvaxia. Batay sa immunization record, binakunahan ang sampung taong gulang na si Christine Mae de Guzman noong Abril ng nakaraang taon sa kanilang paaralan sa Sisiman, Mariveles, Bataan.
Makalipas ang anim na buwan, nagpositibo na ito sa dengue at namatay apat na araw matapos makitaan ng sintomas. Sa death certificate nito, nakasaad na severe dengue ang ikinamatay ng bata.
Namatay din ang grade 5 student sa Quezon City na si Anjielica Pestilos tatlong buwan matapos mabakunahan. Sa death certificate ni Pestilos, nakasaad na lupus ang ikinamatay nito. Pero ayon kay Doctor Erfe, sinuri nila ang records nito sa ospital at natuklasan na may mga palatandaan ito ng dengue.
Nagbigay na ng salaysay ang mga magulang ng dalawang bata at gagamitin ito sa kasong isasampa sa mga opisyal ng nakaraang administrasyon.
Nananawagan naman ang Volunteers Against Crime and Corruption sa NBI na agapan ang mga ebidensiya kaugnay ng Dengvaxia vaccination program.
( Roderic Mendoza / UNTV Correspondent )
Tags: Dengvaxia, namatay, Public Attorney's Office
Hindi maituturing na ammunition ang isang bala kung walang kasamang baril dahil hindi naman ito puputok.
Ito ang paninindigan ni PAO Chief Atty Persida Acosta.
Kaya’t para kay Acosta, walang krimen at hindi dapat kasuhan ang mga pasaherong nahuhulihan o natataniman ng bala sa kanilang mga bagahe sa airport.
Una nang nagbabala ang PAO Chief na sasampahan nila ng kasong kriminal at administratibo ang sinomang magkakaso sa mga biktima ng tanim bala.
Ang opisina ng PAO ang kasalukuyang tumutulong sa mga pasaherong nabibiktima ng tanim bala sa NAIA.
Walumpung mga kaso ng tanim bala na ang hawak ng PAO at tatlumput dalawa dito ang na-dismiss na.
Kasalukuyan namang nagsasagawa ng preliminary investigation ang Department of Justice sa mga tauhan ng airport police na sangkot umano insidente ng tanim bala sa NAIA.
(Roderic Mendoza / UNTV Correspondent)
Tags: bala, hepe, hindi krimen, Public Attorney's Office
