Ipinag-utos na ng Sandiganbayan na ikulong ang nakatatandang kapatid ni Robin Padilla na si dating Camarines Norte Governor Roy Padilla sa New Bilibid Prison sa Muntinlupa City.

Ito ay matapos hindi pagbigyan ng korte ang hiling ni Padilla na sa provincial jail makulong.

Sinentensyahan ng korte si Padilla ng hindi bababa sa apat na buwan at hindi tataas ng apat na taon na pagkakakulong dahil sa kasong malversation of public property.

Kaugnay ito ng umano’y paggamit ni Padilla ng pistol caliber .45 taong 1998 para sa kanyang personal na interes kahit pagmamay ari aniya ng Philippine National Police ang nasabing baril.

Maliban sa pagkakakulong, pinagbawalan na siya na humawak ng posisyon sa gobyerno at pinagbabayad rin ng danyos na 200 pesos.

(Joyce Balancio / UNTV Correspondent)

Tags: Camarines Norte, Dating governor, Muntinlupa, New Bilibid Prisons, Roy Padilla