Sunog na sunog ang isang itim na Toyota avanza na may plate number ULQ 484 Matapos hagisan ng dalawang Granada ng dalawang suspect na sakay ng motorsiklo sa Sitio Kanluran Barangay Bayog Los Baños,Laguna kaninang alas sais ng umaga.

Ayon sa mga saksi nauna munang pinagbabaril ng riding in tandem sa loob ng sasakyan ang isang lalake at isang babae at pagkatapos ay hinagisan ng dalawang granada.

Hindi pa nakikilala ng losbanos police ang mga biktima dahil sunog na sunog ang mga katawan ng nga biktima.

Patuloy pa rin ang isinasagawang imbestigasyon ng mga otoridad sa pangyayari kung ano ang motibo ng pagpatay at ang pagkakakilanlan ng mga suspect.

Iniimbestigahan din ng pulisya ang sasakyan matapos malamang iba ang plaka nito sa pinasabog na sasakyan.(Sherwin Culubong/UNTV Correspondent)