Itinanggi ng dalawang deputy commissioner ng Bureau of Customs na tumatanggap sila ng tara.
Taliwas ito sa binulgar ni Senator Panfilo Lacson sa kaniyang privilege speech noong August 2017 na kabilang umano sina Deputy Commissioner Edward Dy Buco at Natalio Ecarma III sa mga tumatanggap ng payola upang mapabilis ang paglabas ng mga kargamento.
Aminado naman si Senate Blue Ribbon Committee Chairman Richard Gordon na wala pa siyang nakikitang matibay na ebidensya laban sa mga personalidad na nasa tara list ni Senator Panfilo Lacson.
Sa kabila nito, itutuloy naman ang BOC ang kanilang imbestigasyon sa mga umanoy sangkot sa kurapsyon sa kawanihan.
( Nel Maribojoc / UNTV Correspondent )
