Arestado sa isinagawang buy-bust operation ng Quezon City Police Station 7 kahapon pasado ala una ng madaling araw sina Dennise Marie Enriquez alyas Denden at Aman Tormis alyas Makmak.

Sa isang apartelle sa may Imperial street, Cubao nagbebenta ng droga ang mga suspek. Nakuha sa mga suspek ang siyam na sachet ng hinihinalang shabu at ang buy-bust money. Nasa drugs watchlist din ng mga pulis ang dalawa.

Aminado si Denden na nagbebenta ng droga pero itinanggi naman ni Makmak ang akusasyon.

Pinag-aaralan naman ng pamunuan ng barangay na gawan ng kaukulang aksyon ang apartelle dahil apat na beses ng nakapagsagawa ng buy-bust operation sa lugar.

Nakakulong na ang mga suspek sa QCPD Station 7 at nahaharap sa kasong paglabag sa Comprehensive Dangerous Drugs Act of 2002.

( Victor Cosare / UNTV Correspondent )

Tags: buy bust operation, Cubao, QCPD