Inalis na sa kanilang pwesto ang fire marshall ng Valenzuela City na si Supt. Mel Jose Lagan at ang chief ng Fire Safety Enforcement Section na si Ed-groover Oculam kaugnay sa naganap sa sunog sa pabrika ng tsinelas sa nabanggit na lungsod.
Sa isang panayam sa programang “Tinig ng Pilipino” kay Chief Fire Inspector Renato Marcial ng Bureau of Fire Protection, ni-relieve sa pwesto ang dalawang opisyal para bigyang daan ang ginagawang imbestigasyon sa naganap na sunog.
Sa pinakahuling datos ng BFP, sinabi ni Marcial na nananatili pa rin sa 72 ang bilang ng patay sa sunog kung saan 36 dito ay pawang mga kababaihan at 28 naman ang kalalakihan.
Sa inisyal na ulat na ipinahayag ni Marcial, nasa 105 ang napagalamang nasa loob ng pabrika nang maganap ang insidente. Patuloy pa rin ang ginagawang retrieval operations para sa iba pang nawawala. (UNTV Radio)
Tags: Bureau of Fire Protection, Renato Marcial, Valenzuela City
Porac, Pampanga – Kinumpirma ng Pampanga Provincial Police na wala nang buhay o katawang naiwan sa loob ng gumuhong supermarket sa Porac Pampanga.
Gamit ang thermal scanner at k-9 dogs kinumpirma ng Pampanga police na posible wala nang katawan na nagdaganan sa ilalim ng nawasak na establisyimento.
Tanging ang naputol na paa na lamang ng isa sa mga biktimang nakaligtas ang sinasabing naamoy ng k-9 dogs na sinisikap na makuha ng mga rescuer.
“As of 6:45 today the rescuers po ay sinasabing wala na po tayong tao dito sa loob either patay or buhay” ani Pampanga Provincial Police Director Colonel Jene Fajardo
Sa kabila nito, ipagpapatuloy pa rin ng nga otoridad ang search and rescue operations, sa pagbabakasakali na may makita pa ring katawan sa loob ng gusali.
“Hindi pa rin po mag-istop ang aming search and rescue operations dahil kung maaalala niyo, doon sa mga gumuho din po na buildings na gumuho sa ibang bahagi ng ating bansa ay may mga possibility pa rin po na after three or five days po ay may marerecover” ayon kay Pampanga Provincial Police Director Colonel Jene Fajardo
Batay sa record ng pulisya natagpuan na lahat ng 92 na empleyado ng Chuzon Supermarket, kung saan ang dalawa sa mga ito ay nasawi sa aksidente.
Sinimulan na ng department of public works and highways o dpwh ang inisyal na clearing operations, at ayon sa PNP at Bureau of Fire Protection (BFP) pinag-aaralan na nila na ibaba na sa search and retrival operation ang sitwasyon sa Chuzon Supermarket.
Kapag nangyari ito magbabawas na rin ng mga rescue mula sa national agencies, upang maipadala naman ang nga ito sa iba pang mga lugar na niyanig rin ng malakas na lindol.
(Joan Nano | Untv News)
Tags: Bureau of Fire Protection, earthquake, Philippine National Police
Limang buwan ng pinaghahanap ng Valenzuela City PNP ang trentay singko anyos na si Salvador Manalili alyas Junior Bakal.
Si Manalili ay suspek sa panghoholdap at pagpatay sa 23 anyos na bank employee na si Riverdalle Villamartin noong ika-9 ng Marso ngayong taon.
Noong nakaraang linggo, hindi inaasahan ni Elaine na ang pumatay sa kaniyang kaibigan ay mapapanuood niya sa TV matapos namang maaresto dahil sa iligal na droga, kaya naman agad itong nagreport sa PNP. Todo tanggi namang ang suspek sa akusasyon sa kanya.
Ayon sa PNP, marami na rin silang natatangap na reklamo laban sa suspek.
Nahaharap sa kasong robbery with homicide at Comprehensive Dangerous Drugs Act of 2002 si Manalili.
( Reynante Ponte / UNTV Correspondent )
Tags: Salvador Manalili, Valenzuela City, Valenzuela City PNP
Bandang alas diyes kagabi ng masira ang isang water pipe line ng Maynilad sa bahagi ng M.H. del Pilar street, Barangay Palasan, Valenzuela.
Ayon kay Maynilad Spokesperson Grace Laxa, posibleng aksidenteng tinamaan ang kanilang tubo habang nagsasagawa ng road repair sa lugar ang DPWH.
Hindi naman agad dumating sa lugar ang mga tauhan ng Maynilad upang maayos ang sira.
Inaasahan ng Maynilad na matatapos ang pagkukumpuni sa nasirang pipe line at maibabalik ang serbisyo ng tubig ngayong araw.
Pero babala ng Maynilad, kahit naayos na ang nasirang tubo, huwag agad inumin ang tubig lalo na kung ito ay malabo pa.
Nagpadala naman ang Maynilad ng tatlong water tankers sa lugar upang mag-suplay ng tubig sa mga residente.
( Asher Cadapan Jr. / UNTV Correspondent )
Tags: DPWH, pipe line, Valenzuela City
