Dalawa ang nasugatan kabilang na ang suspek sa pamamaril sa loob ng visitors area ng U.S Capitol building sa Washington DC.

Ayon sa Capitol Police, isang babaeng bystander ang tinamaan ng shrapnel ngunit walang nasugatang pulis.

Sugatan din ang suspek na kinilalang si Larry Russel Dawson matapos mabaril ng Capitol Police.

Tinangka ni Dawson na makalusot sa metal detector sa Capitol Visitor Center Entrance.

Nang tumunog ang alarm ay pinigil ito ng security ngunit bumunot si Dawson ng tila isang armas kaya siya binaril ng mga pulis.

Noong Oktubre ng nakaraang taon ay inaresto na rin si Dawson dahil sa pag-atake sa isang pulis nang magwala sa chamber ng U.S. House of Representatives.

(UNTV NEWS)

Tags: Capitol Police, Washington DC