Tuloy na ang taas-sweldo ngayong Enero ng mga PNP personnel base sa Joint Resolution Number 01 o authorizing the increase of base pay of military and uniformed personnel. Sa ilalim ng bagong monthly base pay, makatatanggap ng base pay na halos thirty thousand pesos ang nasa 75,550 na police officer 1 o PO1 mula sa halos fithteen thousand pesos matapos ang 100% increase.
Kaya naman umaasa ang PNP na hindi na masasangkot sa mga iligal na aktibidad ang mga pulis lalo na ang mga PO1 na mayroon nang malaking base pay.
Subalit tumaas man ang sweldo ng mga pulis, inalis naman ang officers at provisional allowance na natatanggap ng mga ito, kung saan 1,071 pesos sa PO1 at 88,977 pesos naman sa police director general o four star general para ngayong 2018. Mas malaki ito kumpara sa 53,643 pesos na dagdag-sweldo na ibinigay nang pangulo para sa Chief PNP.
Pero ayon kay CSupt. Vera Cruz, ang importante ay maitaasas ang base pay ng pinakamababang ranggo sa hanay ng pulisya sa isang daang porsyento.
Ang pagtaas niya ng sweldo ng mga pulis at malaking tulong para tumaas din ang magiging pension ng mga ito sa kanilang pagreretiro.
( Lea Ylagan / UNTV Correspondent )
Tags: dagdag sweldo, Enero, pulis
Simula sa June 3 matatanggap na ng mga minimum wage earner sa Metro Manila at Western Visayas Region ang inaprubahang dagdag sahod. Ibig sabihin mula sa dating 537 pesos na sinusweldo kada araw ng mga mangagawa, magiging 570 pesos na ito. Habang nasa 55 hanggang 110 pesos na naman ang inaasahang madaragdag sa sahod ng mga mangagawa sa Western Visayas Region.
“Ang wage order ng region 6 mga June 3 po magiging effective iyan. We will check if the wage order in region 6 will be published tomorrow. Kung makasabay sila ng ncr, June 3 din po ay effective na ang bagong wage order sa mga rehiyon na ‘yan,” pahayag ni Dir. Rolly Francia, Information and Publication Service, DOLE.
Samantala inaprubahan na rin ng wage boards ang hiling na umento sa sahod ng mga mangagawa sa Ilocos, Cagayan Valley at Caraga Regions.
Sa Ilocos Region, kung dati ay nasa 282 hanggang 340 pesos lamang ang sweldo ng minimum wage earners. Ngayon magiging 372 hanggang 400 pesos na ang matatanggap nilang sweldo kada araw. Habang ang dating 345 hanggang 370 pesos na minimum wage sa Cagayan Valley ay itataas na sa 400 hanggang 420 pesos.
Maging ang mga mangagawa sa Caraga Region makatatanggap ng nasa 45 pesos na dagdag sahod.
Umaasa naman ang DOLE na agad ring magiging epektibo ang dagdag sahod sa mga nasabing rehiyon.
Samantala, ayon sa DOLE, patuloy naman ang deliberasyon ng wage board sa Region 5 para sa hirit na dagdag sahod ng mga mangagawa sa Bicol.
Habang mayroon na ring draft ng bagong wage order ang Region 12, at hinihintay na lamang ang pinal na kopya ng desisyon.
Aileen Cerrudo | UNTV News
Tags: dagdag sweldo, DOLE
METRO MANILA – Nais ng labor group na Defend Jobs Philippines na dagdagan ng P100, across the board, ang sahod ng mga manggagawa sa National Capital Region (NCR).
Ngunit base sa resolusyong ipinadala ng Regional Tripartite Wage and Productivity Board sa grupo, wala sa hurisdiksyon nila ang petisyong inihain ng mga ito.
Ibinase ng wage board ang kanilang pasya sa desisyon ng Supreme Court noong 2007 kung saan nagsasabi na walang bisa ang isang kautusan kung ito ay lampas na sa hurisdiksyon ng isang ahensya.
“Skeptical kami sa statement nila na yun dahil nga ang dami ng nangyari, ang dami nang naganap pero yung mandate nila na every year dapat pag-aralan kung magtataas ba ng sahod yung mga manggagawa ay wala namang naganap na pagtaas ng sahod ng mga manggagawa” ani Defend Jobs Philippines Christian Lloyd Magsoy.
Iginiit ng Defend Jobs Philippines na kailangan na ngayon ng mga manggagawa ang dagdag na sweldo dahil sa mga nagtataasang presyo ng mga bilihin at epekto sa kanila ng pandemya.
“Eh saan ba gagamitin yung 100 pesos sa mga manggagawa kundi pambili rin ng mga pangangailangan nila na eventually makakatulong din sa mga maliliit na businesses natin at yung mga maliliit na businesses maga-avail din naman sila ng products sa mga malalaking businessses. So cycle din siya at makakatulong sa drive ulit ng ating economy” ani Defend Jobs Philippines Christian Lloyd Magsoy.
Para naman sa Associated Labor Union-Trade Union Congress of the Philippines, masakit sa kanila ang hindi pagtugon ng wage board sa hiling na dagdag sahod.
Maliit din aniya ang P1K ayuda na ibibigay ng gobyerno sa mga maaapektuhan ng muling pagpapatupad ng ECQ.
Dapat aniya ay paghandaan na ng gobyerno ang susunod na ayuda at ang pagpaparami sa mga kadiwa store at diskwento caravan para mapunuan ang nakaambang tag-gutom sa bansa.
Ayon naman kay Labor Secretary Silvestre Bello III, hindi pa nakakarating sa kanya ang nasabing resolusyon para sa pinal na desisyon.
Una nang sinabi ng Employers Confederation of the Philippines na lalong mahihirapan ang mga negosyante kung magtataas ng sahod sa panahon ito dahil sa epekto sa ekonomiya ng Covid-19.
(Rey Pelayo | UNTV News)
Tags: dagdag sweldo, DOLE
Metro Manila – Mahigit sa siyam na libong pulis ang itatalaga ng PNP sa nasa mahigit isang libong quarantine controlled points sa greater Manila area .
Ayon kay PNP Deputy Chief for Operations at Joint Task Force Corona Virus Shield Commander PLTGEN. Cesar Hawthorne Binag, 7,876 dito ay itatalaga sa 929 na checkpoint sa Metro Manila. 982 naman ang ilalagay sa 162 controlled points sa Central Luzon partikular sa Bulacan at 498 na pulis naman ang magbabantay sa 15 quarantine controlled points sa CALABARZON partikular sa Cavite, Laguna at Rizal.
Nilinaw nito na hindi naman kailangan ng mga travel pass, tanging ID o employment certificate lamang ang hahanapin sa checkpoint upang mapatunayang Authorized Person Outside of Residence (APOR) ang mga ito.
Iisyuhan naman ng ticket ang mga mahuhuling lumalabag base sa ordinansa ng lokal na pamahalaan.
“’Yung gagawin lang nila doon papaalalahanan, sa nag-violate pabalikin or issue-han ng ticket ayon sa ordinansa or dalhin sa isang lugar kung nag-violate sila, sa isang gym or malaking lugar para bigyan ng lecture or panuorin ng video para pagpapaalala sakanila, hindi sila para pahirapan kundi para paalalahanan nitong ECQ protocol natin.” Ani PLtGen. Cesar Hawthorne Binag, Deputy Chief for Operations, PNP.
Payo pa ni Binag sa publiko, huwag nang magpilit pang lumabas ang mga hindi APOR at ang nasa edad 18 pababa at 65 anyos pataas dahil hindi sila makalulusot sa checkpoint.
Pinaalalahanan din ng opisyal ang mga pulis na mag-ingat at alagaan ang kanilang sarili upang hindi mahawaan ng COVIC-19.
Lea Ylagan | UNTV News
Tags: ECQ, Enhanced Community Quarantine NCR, PNP, pulis
