METRO MANILA – Inilunsad ng Department of Environment and Natural Resources (DENR) ang programang “Padayon” tampok ang sariling handbook ng kagawaran na naglalayong paigtingin ang kanilang mga hakbang kontra COVID-19 nitong Oktubre 25.
Ang “Payadon” handbook ay naglalaman ng mga mahahalagang impormasyon tungkol sa pamamahala at pagpigil ng COVID-19 lalo na sa mga lugar na pinagta-trabahuhan bilang suporta sa kampanya ng pamahalaan na mapigil ang pagkalat ng virus sa bansa.
Tampok rin sa handbook ang mga paraan kung paano pangalagaan ang pisikal, mental, emosyonal at espirituwal na kalusugan ng kanilang mga empleyado sa gitna ng pandemic.
Sa pahayag ni Secretary Roy Cimatu, buo ang tiwala niyang malaki ang maitutulong ng handbook na ito dahil nilalaman nito ang mga mahahalagang impormasyon tungkol sa COVID-19.
“Ipinapakita din dito kung ano ang mga dapat gawin upang maiwasang mahawaan ng COVID-19, mga gagawin sakaling mahawaan at paano mapipigilan ang pagkalat nito,” ani DENR Secretary Roy Cimatu.
Binigyang-diin din ni Secretary Cimatu na ang handbook ay karagdagang hakbang sa mga kasalukuyang patakaran ng kagawaran laban sa COVID-19.
Ang naturang proyekto ay naisakatuparan sa pagtutulungan ng DENR Strategic Communication and Initiative Services kasama ng DENR Association of Career Executives, Kalipunan ng Kagawaran ng Kalikasan, DENR Employees Union, Human Resource Development Service, Administrative Service at ng DENR Contact Tracing Team.
(Rachel Reanzares | La Verdad Correspondent)
Tags: DENR
METRO MANILA – Nagbabala ang Department of Environment and Natural Resources (DENR) na posibleng magkaroon ng kakulangan sa supply ng tubig kung hahaba ang epekto ng El Niño sa bansa.
Ayon sa Water Resources Management Office ngayon palang ay kailangan nang magtipid ng tubig kung ayaw matulad sa water crisis noong 2019.
Paliwanag ni DENR Undersecretary Carlos Primo David, sa Hunyo ay posibleng bumaba sa 180 meters ang lebel ng tubig sa Angat dam na siyang minimum operating level nito.
Sa ngayon ay mahigit pa sa 213 meters ang imbak nitong tubig na mas mataas na sa normal high water level.
May mga bagong treatment plant anila na itinayo sa Laguna lake na inaasahang malaki ang maitutulong kapag bumaba ang lebel ng angat dam.
Kumpyansa ang Maynilad at Manila Water na hindi magkakaroon ng krisis sa tubig sa susunod na taon.
Inaasahan din anila na sa kalagitnaan ng taon ay magkakaroon narin ng mga pag-ulan.
METRO MANILA – Nagpahayag ng pagsang-ayon at pagsuporta ang Climate Change Commission (CCC) hinggil sa paggamit ng Waste-To-Energy (WTE) Technologies na pawang “pro-environment activities and investments” na maaaring tumugon sa problema ng bansa patungkol sa klima.
Binigyang-diin ni CCC Commissioner Albert Dela Cruz ang halaga ng pagbibigay pansin sa environmental issues kaugnay ng malalang weather condition ng Pilipinas kung saan aabot sa mahigit 20 bagyo kada-taon ang tumatama.
Dagdag pa niya, ang bansa ay mayroong warm seas dahil malapit ito sa equator kung saan nabubuo ang bagyo.
Pinasinayaan naman nitong July 14 ang bio-methanation and thermolysis machine sa Pagsanjan, Laguna.
Naglalayon itong matugunan ang proper waste disposal. Kaugnay ang naturang aktibidad sa green transition ng landfill gamit ang WTE Technologies na siyang inendorso ng Department of Environment and Natural Resources (DENR).
Nitong Pebrero naman, nauna nang nagpasa ng Panukalang Btaas si Senate President Juan Miguel Zubiri na naglalayong magsagawa ng National Energy Policy and Regulatory Framework for Facilities gamit ang WTE Technologies na maaaring maging solusyon sa solid waste management problems.
(Joram Flores | La Verdad Correspondent)
Tags: Climate Change Commission, DENR
METRO MANILA – Nais tutukan ng administrasyong Marcos ang reforestation o pagtatanim ng mga puno.
Kaugnay nito, nasa hanggang 2 milyong ektaryang lupa ang planong taniman ng Department of Environment and Natural Resources (DENR).
Bahagi ito ng napag-usapan ni DENR Secretary Maria Antonia Yulo-Loyzaga at Pangulong Ferdinand Marcos Junior tungkol sa pagkakaroon ng epektibong programa at pangangalaga sa kalikasan.
Ayon sa kalihim, kailangan ng katulong ng gobyerno para muling mabuhay ang mga kagubatan sa bansa.
Sa pulong sa malakanyang nitong June 27, ipirinirisinta ng kagawaran kay PBBM ang bagong national natural resource Geospatial Database Office (GDO) na tutukoy sa mga likas na yaman ng Pilipinas tulad ng lawak ng kagubatan ng bansa at river basins sa tulong ng satellite imagery.
