Mas paiigtingin ng Police Calabarzon ang internal cleansing sa kanilang hanay, ito ang inihayag ng bagong talagang regional director ng Philippine National Police Region 4 na si former Quezon City Police District Chief PCSupt. Guillermo Eleazar.

Ginawa nito ang pahayag sa turnover kahapon ng local government units ng mga gamit sa mga sa mga pulis sa rehiyon tulad ng two way radio, mobile patrol cars, body camera at mga baril para sa mga miyembro ng Special Weapons and Tactics (SWAT).

At upang mas madali aniyang mahuli ang mga police scalawag na aniya’y nakakasira ng pangalan at kredibilidad ng pambansang pulisya, bubuo na rin ng Counterintelligence Task Force (CITF) sa rehiyon

Paiigtingin din nila ang Regional Special Operation Unit na susugpo sa mga high value targets sa Region 4. 

Naniniwala si PCSupt. Eleazar na epektibo ang konsepto ng CITF na nakakahuli ng mga tiwaling pulis.

( Sherwin Culubong / UNTV Correspondent )

Tags: internal cleansing, PNP, Region 4