Sa third anniversary celebration ng WISH fm sa Aug. 31 ay ihahayag na ang dalawampung qualifiers na siyang mag-aadvance sa susunod na bahagi ng WISHcovery. At sa darating na Setyembre ay pasisimulan na ang competition proper ng pinakaabangang talent search ng WISH 107-5.

Kabilang sa mga magiging bahagi ng online singing contest ang Philippine R&B king at prince na sina Jay-R at Kris Lawrence. Si Jay-R ay isa sa magiging hurado habang si Kris naman ang magiging host.

Masaya ang mga ito na maging bahagi ng kumpetisyon dahil sa naiibang konsepto nito. Itinuturing naman ni Jay-R na malaking oportunidad ang singing contest ng WISH fm para sa mga Filipino aspiring singer.

Bukod kay Jay-R, magiging hurado rin sa kumpetisyon ang kilalang songwriter na si Jungee Marcelo at si teacher Annie ng vocal group na “The Company”.

(Leslie Longboen / UNTV Correspondent)

Tags: talent search, WISH FM, wishcovery