Nakuha ni Commissioner Christian Robert Lim ang unanimous vote ng kapwa commissioners sa isinagawang executive session ngayong araw upang pansamantalang pamahalaan ang Commission on Elections.

Si Lim na siyang pinaka-senior sa hanay ng COMELEC officials ang hahalili sa nagbitiw na si Chairman Andres Bautista habang wala pang napipiling kapalit sa posisyon si Pang. Rodrigo Duterte.

Si Lim ay nakatakda nang magretiro sa February 2018 kaya’t hindi niya inaasahan ito. Ipinaabot naman ni Comm. Rowena Guanzon ang kaniyang pagbati kay Lim.

Nakatakdang harapin ni Commissioner Lim ang COMELEC senior officials at field officials sa Biyernes upang pag-usapan ang mga kailangang punan at tutukan sa loob ng komisyon

( Aiko Miguel / UNTV Correspondent )

Tags: Chairman Andres Bautista, COMELEC, Comm. Christian Robert Lim