COMELEC, sisimulan na ang pagdeliver ng mga balota sa mga probinsya sa Oct. 11

by Radyo La Verdad | October 4, 2017 (Wednesday) | 3413

Sisimulan na ng packing and shipping committee ng Commission on Elections sa October 11 ang pagpapadala ng mga official ballots sa mga probinsya.

September 30 pa natapos ng komisyon ang pag-iimprenta ng mga balota para sa nakatakdang October 23 barangay and Sangguniang Kabataan elections.

Tuloy ang ginagawang paghahanda ng poll body para sa nakatakdang eleksyon dahil hindi pa nagiging ganap na batas ang pagpapaliban dito.

Iginiit rin ng COMELEC na striktong ipinatutupad ang gun ban simula pa noong October 1 kung kailan nagsimula rin ang election period.

Sa kasalukuyan, siyam na indibidwal ang naaresto dahil sa paglabag sa gunban kung saan anim na baril ang nakumpiska at dalawang bladed weapons.

Patuloy naman tumatanggap ng aplikasyon ang poll body para sa gun ban .