METRO MANILA, Philippines – Nakasaad sa Republic Act 7166 o ang Synchronized National and Local Elections and For Electoral Reforms lahat ng naghain ng kanilang Certificate of Candidacy o COC ay obligadong magsumite ng Statement of Contributions and Expenditures sa COMELEC.
Kailangang makapagsumite ng SOCE ang mga nanalo o natalong kandidato hanggang June 13 o 30 araw pagkatapos ng halalan.
Ang SOCE ay isa sa pagbabatayan kung sumobra sa gastos sa pangangampanya ang isang kandidato. Kapag nag-overspend ang isang nanalong kandidato maaari siyang madiskwalipika.
Pero paglilinaw ng poll body hindi kailangang isama sa isusumiteng SOCE ang commercial ng pasasalamat ng mga nanalong kandidato. Hindi na aniya saklaw ng COMELEC rules at wala aniyang batas kaugnay sa gastos ng nanalong kandidato pagkatapos ng halalan.
“Hindi kasama sa SOCE iyon. Tapos na kasi iyong period for monitoring, iyong period of monitoring natin goes all the way up to elecion day only. Hindi siya ok pero hindi na siya sisitahin sa SOCE,” ani COMELEC Spokesman Director James Jimenez.
Kahit holiday bukas, June 5, tatanggapin pa rin ng COMELEC ang mga isusumiteng SOCE. Kailangang personal itong isumite ng kandidato. Kasama sa SOCE ang gastos sa online ads.
“Oo pumapasok kami kasi marami tayo trabaho especially post elections and remember we’re also preparing for the Barangay Elections and then we’re not just preparing for the Barangay Elections. We’re also preparing for the 2022 Elections,” ayon kay Jimenez.
Samantala, wala pa aniyang desisyon ang COMELEC kung gagamitin ang Voter Registration Verification System sa susunod na halalan.
“The decision point there is to buy or not buy into the system. We are looking to see if the system is something we can use for 2022. Now you have to distinguish between the actual devices used and the technology, that’s the basis for the whole idea. Do we go on with this idea or do we not,” dagdag ni Jimenez.
(Aiko Miguel | UNTV News)
Tags: COMELEC, Comelec Spokesman James Jimenez, Statement of Contributions and Expenditures SOCE
METRO MANILA – Inanunsyo ni Commission on Election (COMELEC) Chairman George Erwin Garcia na handa nang i-deliver ng South Korean firm na Miru Systems ang 110,000 Automated Counting Machines (ACMs) na gagamitin sa darating na 2025 mid-term election.
Sa pahayag ni Comelec Chairman Garcia, kontento ang komisyon at hindi sila nagkamali sa pagpili sa Miru bilang provider ng automated system para sa darating na eleksyon.
Noong nakaraang February 22, 2024, iginawad ng Comelec ang Full Automation System with Transparency Audit/Count (FASTRAC) na proyekto sa joint venture ng Miru Systems Co. Ltd., Integrated Computer Systems, St. Timothy Construction Corporation, at Centerpoint Solutions Technologies Inc.
Nagpasalamat din si Garcia sa South Korean company sa pagpapakita sa Comelec team kung paano ang manufacturing ng ACMs.
Tags: COMELEC, Miru SYstem
METRO MANILA – Umaasa ang Commission on Elections (COMELEC) na maaabot nito ang magandang voter turnout para sa overseas voting sa darating na 2025 midterm elections.
Ayon kay Comelec Spokesperson Director John Rex Laudiangco, target nilang ma-hit ang 70% hanggang 80% ang voter turnout target.
Positibo ang ahensya na maaabot ito dahil sa kauna-unahang gagawin na internet o online voting kung saan gamit lamang ang gadgets ay maaari nang bumoto.
Noong 2022 national and local elections nasa 38% lamang ang voter turnout ng overseas voting o 600,000 ang bumoto sa 1.6 million na rehistradong botante.
Tags: COMELEC, Internet Voting
METRO MANILA – Muling nagpaalala ang Commission on Election (COMELEC) sa mga Pilipinong nasa ibayong dagat na magparehistro bilang botante para sa darating na 2025 midterm election.
Maaaring magparehistro ang ating mga kababayan na nagtatrabaho o permanenteng naninirahan sa labas ng bansa.
Maaari rin na magparehistro ang mga pinoy na nasa ibang bansa sa araw ng national election.
Kinakailangan lamang dalhin ng aplikante ang kanilang valid Philippine passport sa pinakamalapit na Philippine embassy o konsulado ng bansa, o kaya naman ay sa registration centers sa Pilipinas.
Tags: COMELEC, OFW, voter registration
