Comelec, may special voter’s registration exclusive para sa mga PWD’s at senior citizen ngayong araw

by Radyo La Verdad | September 5, 2018 (Wednesday) | 4436

May special voter’s registration ngayong araw ang Commission on Elections (Comelec) para sa mga person with disability (PWD) at senior citizen.

Sa ipinalabas na abiso ng Comelec, ngayong Miyerkules, ika-5 ng Setyembre, tatanggap lamang ng mga PWD at senior citizens ang lahat ng Comelec sa buong bansa.

Bukod sa pagpaparehistro, maari ding magpatransfer o reactivation ng registration.

Magdala lamang ng original copy at photo copy ng aliman sa mga valid ID tulad ng student ID o library ID, employer’s ID, postal ID at iba pa.

Maari ding magpabago o magfile para sa correction of entries.

Magdala lamang ng PSA copy ng birth certificate para sa may gustong ipabago tulad ng nagkamali sa spelling ng pangalan o apelyido, birthday, birth place o anomang mali ang spelling.

Habang PSA copy naman ng marriage contract o court order para sa pagbabago ng inpormasyon dahil sa pag-aasawa o kautusan ng korte.

Bukas lahat ng Comelec offices hanggang ala singko ng hapon.

 

Tags: , ,