Nasa bansa na si United State Defense Secretary Ashton Carter upang obserbahan ang Philippine-US Balikatan exercise na isinasagawa ngayong araw sa Tarlac.
Bibisita din ito sa Fort Magsaysay sa Nueva Ecija at Antonio Bautista Air Base sa Palawan na kabilang sa limang kampo ng militar na pinagkasunduang pansamantalang paghimpilan ng mga tropa ng Amerikanong sundalo at mga kagamitan sa ilalim ng Enhanced Defense Cooperation Agreement o EDCA.
Samantala, mamayang hapon ay nakatakdang magtungo ang US Defense Chief sa Malakanyang para sa courtesy call kay Pangulong Aquino.
Bukas naman ay dadalo si Carter sa pagtatapos ng Balikatan exercises sa Armed Forces of the Philippines head quarters sa Camp Aguinaldo.
