Nais ni Attorney Larry Gadon na mahalungkat ang bank account ni Chief Justice Maria Lourdes Sereno, ito ay sa gitna ng kaniyang inihaing impeachment complaint laban sa punong mahistrado.

Nais ni Gadon na ma-impeach si CJ Sereno dahil sa culpable violation of the Constitution, corruption, high crime at betrayal of public trust.

Sang-ayon rin aniya siya sa nais ng kampo ng Chief Justice na makompronta at ma-cross examine ang resource persons na may reklamo kay CJ Sereno.

Noong nakaraang linggo ay nagsumite na rin ang kampo ng Chief Justice ng 85-page verified answer sa naturang mga alegasyon. Kung saan ayon sa mga abogado ni CJ Sereno ang mga alegasyon ay walang basehan at ayon lamang sa “fake news”.

( Nel Maribojoc / UNTV Correspondent )

Tags: Attorney Larry Gadon, bank waiver, CJ Sereno