Nagpulong ang sampung defense minister ng Association of Southeast Asian Nations sa Kuala Lumpur Malaysia ngayong myerkules.
Dumalo din sa pulong ang mga defense minister ng US, China, Japan, Australia at India.
Taong 2010 nang mag-umpisa ang defense ministers meeting para maisulong ang kapayapaan, at pagkakaisa sa maritime security, humanitarian assistance at disaster management sa Asia-Pacific Region.
At ngayon, isa sa pinakamalaking usapin at hamon sa samahan ng mga bansa sa rehiyon ang mga pinag-aagawang teritoryo sa South China o West Philippine Sea.
Kabilang na rin dito ang pagtatayo ng China ng mga artipisyal na isla mula sa pitong reefs sa West Philippine Sea.
Sa kabila nito, ipinahayag ng Malaysia na walang signing ceremony para sa isang joint statement sa pagtatapos ng ASEAN Defense Forum.
Lumabas ang pahayag matapos maglobby o impluwensyahan ng China ang Southeast Asian Nations na iwasang talakayin ang anumang usaping may kinalaman sa South China Sea Dispute.
Kabilang ang US at Japan sa mga nais magkaroon ng opisyal na pahayag ang regional defense forum tungkol sa maritime dispute at reclamation sa South China o West Philippine Sea. (Rosalie Coz/ UNTV News)
