Suportado ni Presidential Legal Counsel Attorney Salvador Panelo ang hiling ng government prosecution panel sa Muntinlupa Regional Trial Court na ipagbawal na pag-usapan sa publiko ang merito ng kaso ni Senator Leila de Lima.

Ayon kay Atty. Panelo, ginagamit ni Senator de Lima ang kaniyang kalagayan upang sirain ang reputasyon ni Pangulong Rodrigo Duterte.

Dapat aniyang hayaan na lamang ang korte na duminig sa mga kasong kinahaharap ng senadora.

Kinundena naman ni Senator de Lima ang pahayag na ito ni Atty. Panelo at sinabing paglabag sa kanyang karapatang pantao kung mag-iisyu ang korte ng gag order.

Nanindigan din itong hindi magpapapigil sa pagsasalita.

Tags: Chief Presidential Legal Counsel Atty. Panelo, gag order, Sen. De Lima