Humarap bilang testigo si Marina Sula, dating emplayado ni Janet Lim Napoles sa pagpapatuloy ng bail hearing ni dating Masbate Congressman at ngayoy Governor Rizalina Lanete.

Ayon sa state witness, ilang beses niyang nakita ang dating Chief of Staff ni Lanete na si Jose Sumalpong sa opisina ng JLN Corporation upang makipagtransaksyon.

May pagkakataon din na narinig umano ni Sula si Sumalpong na kinukumpirma kay Benhur Luy ang magiging kumisyon ni Lanete.

Ayon pa kay Sula, nagpapatunay ang memorandum of agreements at liquidation reports sa naging partisipasyon ni Lanete sa scam.

Si Masbate Gov. Lanete at si Sumalpong ay kabilang sa ikalawang batch ng mga sinampahan ng kasong plunder at graft dahil sa umano’y pagkamal ng iligal na pondo gamit ang Priority Development Assistance Fund o PDAF ng kongresista.

Tags: Governor Rizalina Lanete, Janet Lim Napoles, JLN Corporation, Jose Sumalpong