Isinilbi na kaninang pasado alas 10 ng umaga ang 60 day suspension order laban kay Cebu City Mayor Michael Rama.
Inilagay ni Department of Interior and Local Government Regional Director 7 Rene Burdeos sa pintuan ng opisina ni Rama sa Cebu City Hall ang isang kopya ng suspension order.
Ayon kay Regional Director Burdeos, pansamantalang uupo bilang alkalde ng Cebu City si Vice Mayor Edgardo Labella.
Sinasabing sinuspinde si Rama matapos siyang kasuhan ni Barangay Labangon Chairman Victor Buendia nitong Oktubre dahil sa pagpapademolish nito sa center island ng Barangay Labangon sa Cebu City.
Samantala, wala naman sa kanyang opisina si Rama nang isilbi ang suspension order.
(Joy Dagoc/UNTV Radio Reporter)
Tags: 60 days, Cebu City Mayor Michael Rama, suspension order
Epektibo na kahapon ang anim na buwang suspensiyon sa labing-apat na opisyal ng Cebu City, kabilang na si outgoing Mayor Michael Rama at Vice Mayor Edgardo Labella dahil sa umano’y abuse of authority.
Ang kautusan mula sa Office of the President ay ipinatupad ng Department of the Interior and Local Government Region 7.
Nag-ugat ito sa pagre-release ng city government ng P20,000 na calamity assistance, o katumbas ng 83.4 million pesos, sa mga empleyado at opisyal ng city hall bagaman hindi sila direktang naapektuhan ng bagyong yolanda at magnitude 7.2 na lindol sa Visayas noong 2013.
Wala sa opisina si Mayor Rama nang i-serve ng DILG ang suspension order kaya ipinaskil na lamang ito sa labas ng kanyang tanggapan.
Tiniyak naman ni Vice Mayor Labella na susundin niya ang suspension order.
Isasauli niya rin ang naka-isyu sa kanyang mga sasakyan at hindi na niya gagamitin ang kanyang opisina.
Ayon naman sa DILG, ngayon lang nila nai-serve ang order matapos silang payagan ng COMELEC.
Isa ang pagpapataw ng suspension at paglilipat ng public officials sa mga ipinagbabawal ipatupad sa panahon ng official campaign period para sa mga lokal na kandidato.
Kabilang rin sa mga sinususpindi ang labindalawang konsehal na sina Councilors Alvin Dizon, Noel Wenceslao, Dave Tumulak, Hanz Abella, Gerardo Carillo, Nestor Archival Sr., Mary Ann Delos Santos, Sisinio Andales, Alvin Arcilla, Roberto Cabarrubias, Nida Cabrera, at Eugenio Gabuya Jr.
Hindi naman kasali sa suspension si Councilors Margarita Osmeña, Leah Japson, Richard Osmeña at James Cuenco dahil hindi sila bumoto sa ipinasang supplemental budget na naglaan ng calamity assistance.
Si Councilor Osmena ang pansamantalang uupo bilang alkalde ng lungsod habang si Cuenco naman ang acting vice mayor hanggang sa pagpapalit ng termino sa a-trenta ng Hunyo.
(Gladys Toabi/UNTV NEWS)
Naglabas ng writ of preliminary injunction ang Court of Appeals para pigilan ang Office of the Ombudsman, Department of Justice at Department of the Interior and Local Government sa pagpapatupad ng preventive suspension laban kay Makati Mayor Junjun Binay.
Ipinagutos din ng 6th Division ng CA na maglagak ng bond si Mayor Binay ng P500,000 at inatasan ang mga nabanggit na ahensya na galangin at panatilihin ang status quo bago isilbi ang suspension order.
Samakatuwid, inuutusan ng CA ang Ombudsman, DOJ at DILG na hayaang manatili sa pwesto si Binay habang gumugulong ang pagrerebyu sa kanyang kasong administratibo na isinampa laban sa kanya maging ang mga legal issues kaugnay sa kanyang suspension order.
Ipinagutos ng Ombudsman ang six-month preventive suspension laban sa alkalde at 21 iba pang opisyal ng lokal na pamahalaan ng Makati City kaugnay sa kasong administratibo sa umano’y overpriced MakatiCity Hall II Building.
Tags: Court of Appeals, DILG, DOJ, injunction order, Junjun Binay, Makati City Hall II Building, Ombudsman, suspension order
