Caramoran Police sa Catanduanes, nangangailangan ng pondo para sa pagsasa-ayos ng opisina

by Radyo La Verdad | February 3, 2016 (Wednesday) | 2232

Umaapela ng tulong sa lokal na pamahalaan ang Caramoran Police para sa agarang pagpapatayo ng maayos na opisina sa lugar.

Ayon kay PInsp.Montes, OIC ng Caramoran Municipal Police Station, may nakalaan ng budget para sa pagsasaayos ng mga istasyon ng pulisya.

Ngunit hindi pa tiyak kung ano-anong police station ang pagkakalooban ng pondo dahil kakailanganin pa itong dumaan sa bidding.

Gayunpaman, siniguro ng Caramoran Police na hindi maapektuhan ang kanilang trabaho sa kabila ng problema sa pagkakaroon ng hindi maayos na opisina.

(Allan Manansala / UNTV Correspondent)