Magsisimula na ngayong araw ang pagtanggap ng aplikasyon para sa business registration at renewals ang Business One Stop Shop sa Zamboanga City. Ang operasyon nito ay  umpisa ng alas 8 ng umaga hanggang alas 8 ng gabi, Lunes hanggang Biyernes.

Samantalang mula alas 8 hanggang alas 5 ng hapon tuwing Sabado, Linggo at mga holidays. Ang programang ito ay inilunsad noong 2017 para mas mapabibilis ang proseso ng pagkuha ng business permit. Inilagay sa iisang processing center ang business permit application office sa Centro Latino.

Kasama na rito ang mga ilang ahensya na may requirments din sa pagkuha ng business permit tulad ng City Health Office, BFP, PNP at marami pang iba.

Magdala lamang ng mga dokumento tulad ng barangay clearance sa bagong business registration at nakaraang statement of income naman sa renewal. Tatagal hanggang January 20 ang Business One Stop Shop.

Nang pasimulan ang BOSS noong 2017 ay nakapagtala ito ng 477 issuance ng bagong business permits kumpara sa 34 ng 2016. Mas malaki rin ang kinikita dito ng lungsod na umabot sa 154 million pesos  sa taong 2017 kumpara sa 136 million pesos noong 2016.

( Dante Amento / UNTV Correspondent )

Tags: Centro Latino, One stop shop, Zamboanga city