METRO MANILA – Nagpaalala ang Bureau of Customs (BOC) sa mga Pilipino sa ibang bansa na piliing mabuti ang freight forwarding firms sa pagpapadala ng balikbayan box sa kanilang pamilya sa bansa.
Sa social media post, sinabi ng BOC na dapat piliin ng mga customer ang mga reputable forwarding company na accredited ng Department of Trade and Industry (DTI) para matiyak ang kaligtasan ng kanilang mga balikbayan box.
Ito ay matapos ang mga report na natanggap ng ahensya tungkol sa mga kaso ng abandonadong balikbayan boxes.
Sa kabuoan, nasa 15 na ang foreign at local forwarders o consolidators ang may mga kaso ng abandoned balikbayan boxes.
Ito ay ang kabayan Island Express Cargo, GM Multi Services Cargo, Allwin Cargo LLC, Sel Air Cargo, Manila Cargo, Sky Freight, Mediacom Express Cargo, CMS General Services, Pinoy Network Cargo WLL FZC LLC.
Habang ang mga local forwarders o deconsolidators na may kaso ng inabandonang padala ay ang FBV Forwarders and Logistics Inc.,, Etmar International Logistics, Cargoflex Haulers Corp., KC door to door delivery services, Rensworld Freight Logistics Corp., FGTI Forwarding Services, CMG International Movers.
Hinimok din ng BOC ang publiko na makipagugnayan sa ahensya kung may alalahanin o may karagdagang impormasyon sa kanila, sa pamamagitan ng Bureau of Customs – Customer Assistance and Response Service o BOC-Cares sa pamamagitan ng hotline number (02) 8705-6000 o sa pamamagitan ng email sa boc.cares@customs .gov.ph.
Tags: balikbayan boxes, BOC
METRO MANILA – Nagbabala ang Bureau of Customs (BOC) ang publiko laban sa parcel o love scam ngayong holiday season.
Pinapayuhan ng ahensya ang publiko na maging maingat sa mga tawag, mensahe o email na nagsasabing mayroong package o parcel na nakabinbin sa BOC na nanghihingi ng bayad para ito ay mailabas.
Dagdag ng ahensya, ang pagbabayad ng customs duties at taxes ay maaari lamang gawin sa BOC cashier o sa pamamagitan ng authorized agent banks.
Kung sakaling naging biktima ng scam, i-check sa website kung ang nasabing courier o forwarder ay accredited.
Maaari ding makipagugnayan sa BOC upang ma-verify kung ang resibo, tracking number at ibang dokumento na natanggap ay tunay o fake.
Tags: BOC
METRO MANILA – Hindi na ibebenta sa Kadiwa Stores ang Milyon-milyong Pisong halaga ng mga smuggled na puting sibuyas na nakumpiska ng Department of Agriculture (DA) at Bureau of Customs (BOC) sa ilang warehouse sa Maynila kamakailan.
Ayon kay DA Deputy Spokesperson Rex Estoperez, labag sa panuntunan ang BOC ang pagbebenta ng mga smuggled na agricultural products.
Bukod dito, nabubulok na rin umano ang mga sibuyas na kanilang nakumpiska.
Dahil dito, target muna ng DA na mailabas ang natitira pang suplay ng sibuyas sa mga cold storage facilities habang paunti-unti na ring nag-aani ang mga magsasaka ngayong Disyembre.
Tags: BOC, DA, Puting Sibuyas, Smuggled
METRO MANILA – Natagpuan ng Bureau of Customs (BOC) ang libu-libong sako ng bigas at asukal na may halagang aabot sa P231-M sa 2 warehouse na nasa isang compound sa 448 Kabatuhan St., Deparo Road, Barangay 168, Caloocan City nitong Agosto 22.
Ayon kay Commissioner Yogi Filemon Ruiz, natuklasan ng operasyon ang 66,000 na sako ng bigas at 13,000 sako ng asukal na parehong may timbang na 50 kilo bawat isang sako at nagmula sa bansang Thailand at Vietnam.
Ang operasyon ay bahagi ng visitorial power ng Customs para mag-inspeksyon ng mga warehouse na pinaniniwalaang pag-iimbak o hoarding ng asukal.
Pansamantalang isinara ang entrance at exit ng mga warehouse na sinaksihan ng Customs Intelligence Investigations Division (CIIS), Enforcement Security Service (ESS), at mga kinatawan ng may ari ng warehouse.
Ayon kay Commissioner Ruiz, patunay ito na seryoso ang ahensya sa isyu ukol sa hoarding ng mga produktong agrikultural gaya ng bigas at asukal at layon ng mga isinasagawang inspeksyon na mapigilan ang ganitong pang-aabuso.
(Ritz Barredo | Laverdad Correspondent)
Tags: BOC
