Tuloy-tuloy ang pagsugpo ng Bureau of Customs (BOC) sa mga grupong nagpupuslit ng mga iligal na kontrabandso sa bansa.
Ito ang muling tiniyak ng ahensya kasunod ng pagkakasabat sa nasa limang libong kilo ng misdeclared na sibuyas at mansanas sa Cebu kamakailan.
Ang mga nabubulok nang sibuyas at mansanas na tinatayang nagkakahalaga ng kalahating milyong piso ay sinunog ng BOC noong Biyernes.
Ayon sa ahensya, hindi ito maaaring i-auction o mapakinabangan dahil nabubulok na at maaaring magdulot ng health hazards.
Ang mga ito na mula sa bansang Tsina at tinatayang mag-aapat na buwan na sa Cebu ngunit inaabandona ng pinadalhan matapos malaman ng BOC na misdeclared.
Sinasabing idineklara itong prutas lamang ngunit nang inspekyunin ito ay mayroong maraming malalaking sibuyas.
Ayon sa BOC, kadalasanan sa mga iniimport na prutas ay idinideklarang mansanas upang walang buwis na babayaran.
( Gladys Toabi / UNTV Correspondent )
METRO MANILA – Nagpaalala ang Bureau of Customs (BOC) sa mga Pilipino sa ibang bansa na piliing mabuti ang freight forwarding firms sa pagpapadala ng balikbayan box sa kanilang pamilya sa bansa.
Sa social media post, sinabi ng BOC na dapat piliin ng mga customer ang mga reputable forwarding company na accredited ng Department of Trade and Industry (DTI) para matiyak ang kaligtasan ng kanilang mga balikbayan box.
Ito ay matapos ang mga report na natanggap ng ahensya tungkol sa mga kaso ng abandonadong balikbayan boxes.
Sa kabuoan, nasa 15 na ang foreign at local forwarders o consolidators ang may mga kaso ng abandoned balikbayan boxes.
Ito ay ang kabayan Island Express Cargo, GM Multi Services Cargo, Allwin Cargo LLC, Sel Air Cargo, Manila Cargo, Sky Freight, Mediacom Express Cargo, CMS General Services, Pinoy Network Cargo WLL FZC LLC.
Habang ang mga local forwarders o deconsolidators na may kaso ng inabandonang padala ay ang FBV Forwarders and Logistics Inc.,, Etmar International Logistics, Cargoflex Haulers Corp., KC door to door delivery services, Rensworld Freight Logistics Corp., FGTI Forwarding Services, CMG International Movers.
Hinimok din ng BOC ang publiko na makipagugnayan sa ahensya kung may alalahanin o may karagdagang impormasyon sa kanila, sa pamamagitan ng Bureau of Customs – Customer Assistance and Response Service o BOC-Cares sa pamamagitan ng hotline number (02) 8705-6000 o sa pamamagitan ng email sa boc.cares@customs .gov.ph.
Tags: balikbayan boxes, BOC
METRO MANILA – Nagbabala ang Bureau of Customs (BOC) ang publiko laban sa parcel o love scam ngayong holiday season.
Pinapayuhan ng ahensya ang publiko na maging maingat sa mga tawag, mensahe o email na nagsasabing mayroong package o parcel na nakabinbin sa BOC na nanghihingi ng bayad para ito ay mailabas.
Dagdag ng ahensya, ang pagbabayad ng customs duties at taxes ay maaari lamang gawin sa BOC cashier o sa pamamagitan ng authorized agent banks.
Kung sakaling naging biktima ng scam, i-check sa website kung ang nasabing courier o forwarder ay accredited.
Maaari ding makipagugnayan sa BOC upang ma-verify kung ang resibo, tracking number at ibang dokumento na natanggap ay tunay o fake.
Tags: BOC
METRO MANILA – Base sa price monitoring ng Department of Agriculture (DA) nasa P20 hanggang P30 ang itinaas ng presyo ng lokal na pulang sibuyas.
Ito ay kung pagkukumparahin ang presyo noong Oktubre at ngayong buwan sa mga pangunahing palengke sa Metro Manila.
Nasa P10-P20 naman ang ibinaba ng lokal na puting sibuyas may kaunting pababa at pagtaas ng imported white depende sa palengke.
Ayon kay Bureau of Plant Industry Director Glen Panganiban, dapat ay nasa P140 hanggang P180 lang ang presyo ng pulang sibuyas at hindi dapat umabot ng P220 per kilo gaya sa ilang palengke ngayon.
Sabi naman ng Samahang Industriya ng Agrikultura (SINAG), mataas ang presyo ng sibuyas sa palengke kung ikukumpara sa wholesale price mula sa cold storages na nasa P80 lamang kada kilo.
Kayat dapat na aniyang umaksyon ang agriculture department at alamin sa mga retailer bakit mataas ang bentahan nila ng sibuyas.
Ayon sa DA, nasa 21,000 metric tons ng sibuyas ang pangangailangan ng bansa sa buwan ng Disyembre.
Tiniyak naman ng opisyal na hindi na aabot sa P700 kada kilo ang presyo nito na nangyari noong nakaraang taon.
(Rey Pelayo | UNTV News)
