Sinalakay ng Police Drug Enforcement Group at Palawan Police ang bahay ni Puerto Princesa City Vice Mayor Luis Marcaida III sa Jacana Road, barangay Bancao-Bancao, Puerto Princesa City alas sais ng umaga kahapon.

Ang drug raid ay isinagawa sa bisa ng search warrant na inilabas ng isang korte mula sa Maynila.

Nasabat sa bahay ng bise alkalde ang tatlumpung pakete ng hinihinalang shabu, isang 22-calibre rifle, apat na kalibre kwarenta y singkong baril at ilang granada.

Agad namang inaresto si Marcaida dahil sa mga nakuhang kontrabando sa kanyang bahay.

Si Marcaida ay isa umano sa mga high value target ng PNP sa kanilang drug war.

Tags: drug raid, Puerto Princesa, Vice Mayor Luis Marcaida III