Nirespondehan ng UNTV News and Rescue Team ang motorcycle accident sa kahabaan ng McArthur Hi-Way sa bayan ng Calumpit, Bulacan pasado alas onse kagabi.
Pagdating sa lugar ay nadatnan ng grupo ang biktimang kinilalang si Lyndon Cañas, 48 years old at nakatira sa Sucat, Parañaque.
Hindi maigalaw ni Cañas ang buong katawan nito at iniinda ang pananakit ng kaliwang braso.
Nahihirapan rin si Cañas na huminga kaya, kaagad na nilapatan ng paunang lunas ng UNTV News and Rescue Team ang biktima at saka inihatid sa Bulacan Medical Center.
Ayon sa mga nakakita sa pangyayari, pauwi na sina Cañas habang binabagtas ang McArthur High-Way sa Calumpit ay biglang lumusot sa kanilang harapan ang aso.
Walang namang tinamong pinsala ang kasamang driver ni Cañas.
(Joshua Antonio / UNTV Correspondent)
Tags: Bulacan, motorcycle accident, pananaksak, UNTV News and Rescue Team
