Nilapatan ng pang-unang lunas ng UNTV News and Rescue Team Bulacan ang lalaking biktima ng hit and run sa MC Arthur Highway, Barangay Calvario Meycauyan Bulacan pasado alas dyes kagabi.
Nagtamo ng sugat sa binti at hita ang biktima na kinilalang si Felix Sabayle Jr 69 anyos taga Pulilan Bulacan at idinaraing ang pananakit ng ulo at katawan.
Matapos bigyan ng pang-unang lunas ay tumangi ang matanda na dalhin sa hospital.
Sa ngayon patuloy pa ring pinaghahanap ng Meycauyan PNP ang driver ng nakabanggang kotse na blue honda civic at may plate number na WTW 642.
Ayon sa Meycauyan PNP may nauna na ring nagreklamo sa naturang kotse ng gabing iyon matapos banggain ang isang pampaserong bus.
