Isang bente uno anyos na lalaki ang tinulungan ng UNTV News and Rescue Team at isang taxi driver ng Tulong Muna Bago Pasada matapos mabiktima ng hit and run sa Barangay Paraiso, Roosevelt sa Quezon City dakong alas onse bente kagabi
Ayon sa kaibigan ng biktima pauwi na sana sila papuntang Makati, habang nagbibisikleta sa lugar ay biglang nabangga ng taxi ang kasama nito na si Mario Melendrez
Imbis na huminto, mabilis na tumakas ang taxi ngunit nakuha naman nila ang plate number ng nito na TXB 752
Napadaan naman sa pinangyarihan ng insidente ang taxi driver na trained rescuer ng UNTV Tulong Muna Bago Pasada at binigyan ng pang unang lunas ng tinamo nitong sugat sa tuhod.
Agad namang tumawag ang taxi driver sa 911 UNTV para masuri din ang kalagayan ng biktima.
Pagdating ng UNTV News and Rescue Team ay agad na tiningnan ang kalagayan ng biktima.
Luminsad ang collar bone na agad nilagyan ng splint ng grupo
Pagkatapos mabigyan ng first aid ay agad na siyang isinugod sa Quezon City General Hospital
Iimbestigahan naman ng Traffic Sector 1 ang pangyayari habang hihingi naman ng tulong ang biktima sa Land Transportation Office para matukoy ang pagkakalinlan ng taxi driver na tumakas.
(Reynante Ponte/UNTV News)
