Mula pa nang Miyerkules ay dinagsa na ng ating mga kababayan na makabili ng murang commercial rice o tinatawag na bigas ng masa dito sa tanggapan ng Department of Agriculture sa Quezon City.
Nagkakahalaga lamang na 38 pesos kada kilo ng bigas ang mabibili dito. May mga tig 10 kilong bag din na mabibili sa 380 pesos at tig 25 kilong bag na mabibili sa 950 pesos.
Bukas ito sa lahat ng mga consumer na nais bumili depende sa kanilang mga budget at maka-discount dahil sa ngayon nasa P40 pesos hanggang 60 pesos ang kilo ng bentahan ng bigas sa palengke.
Para hindi naman maabuso ng mga balak negosyohin ang mga bigas, 25 kilo ng bigas lang ang pinakarami pwedeng bilhin.
Alas sais ng umaga bukas na ang tanggapan ng DA para makabili ng murang commercial rice at magsasarado alas ito alas singko ng hapon.
Inaaasahan naman ng DA na sa susunod na linggo naman ay bubuksan ang proyekto sa Bureau of Plant Industry sa Maynila, kung saan makakabili ang mga consumer ng mas murang bigas tuwing Biyernes.
Ayon sa ahensya, inilunsad ang proyektong bigas ng masa para hindi umano madehado ang mga lokal na magsasaka sa pagaangkat ng National Food Authority o NFA ng 250,000 metriko toneladang bigas.
Samantala, tutulungan ng DA ang mga farmers group na makabenta ng bigas na mas mura at direkta na sa mga consumer. Gusto rin umanong patunayan ng ahensiya na sapat ang suplay ng bigas sa bansa.
Sa tala ng DA, tumaas ng 1.7 million metric tons ang produksyon ng bigas noong 2017. Mas mataas din ang target na produksyon ngayong first quarter ng taon, kumpara noong 2017.
( Reynante Ponte / UNTV Correspondent )
Tags: bigas ng masa, DA, Maynila
METRO MANILA – Tiniyak ni Pangulong Ferdinand Marcos Junior na maihahatid ang tulong para sa mga residenteng naapektuhan sa pananalasa ng bagyong Aghon.
Ayon kay PBBM, inatasan na nito ang Department of Social Welfare and Development (DSWD), Department of Agriculture (DA) at Department of Health (DOH) na ihatid ang lahat ng tulong at suportang medikal sa mga biktima ng bagyo.
Reresponde rin kaagad aniya ang pamahalaan upang maisaayos ang mga nasirang imprastraktura.
Siniguro rin ni Pangulong Marcos na may nakaantabay pang pondo para sa typhoon-hit areas.
METRO MANILA – Umabot na sa P5.9-B ang naging damage sa agrikultura ng bansa dahil sa patuloy na pag-iral ng El niño phenomenon.
Ayon sa kagawaran ng agrikultura, pinaka-malaki ang naitalang pinsala sa rice sector na umabot na sa P3.1-B na halaga ng pagkalugi.
Kabilang sa mga pinaka-napinsalang rehiyon sa bansa ang Mimaropa, Cordillera Administrative Region, at Western Visayas.
Ayon kay DA Assistant Secretary Arnel De Mesa, nakatulong sa pagpapagaan ng mga epekto ng El niño ang maagang pagpaplano, rehabilitasyon at mitigation measures ng kagawaran, partikular na ang sa National Irrigation Administration (NIA).
METRO MANILA – Inanunsyo ng Malacañang kahapon (April 16) na maaari ng makabili ang mga residente ng Metro Manila ng P39/kg. na bigas sa mga Kadiwa ng Pangulo (KNP) stores sa mga piling syudad sa National Capital Region (NCR).
Ayon kay Presidential Communications Secretary Cheloy Gerafil, hindi lang murang bigas ang mabibili sa KNP stores, mayroon ding mga prutas at gulay.
Ngayong araw (April 17), bukas ang KNP stalls sa employees park sa Taguig City hall, people’s park along McArthur highway sa Malinta, Valenzuela City; at Manila City hall inner court.
Maaari namang bisitahin ang official Facebook page ng Department of Agriculture (DA) para sa iba pang schedule at venue ng KNP stores.
Tags: bigas, DA, KNP Stores
