Pagkatapos ng bahagyang pagbaba sa presyo ng mga produktong petrolyo noong nakaraang linggo, isang big time oil price hike naman ang ipatutupad ng ilang kumpanya ng langis simula ngayong araw.

Epektibo alas sais ng umaga, tataas ng one peso at ten centavos ang halaga kada litro ng gasolina ng Petron, Shell, Caltex at Seaoil.

One peso at twenty centavos naman ang madadagdag sa presyo ng diesel at ninety-five centavos sa kerosene.

Kaparehong presyo din ang itataas sa presyo ng gasolina at diesel ng Jetti at Phoenix Petroleum at ng PTT Philippines.

Ang oil price hike ay dulot umano ng paggalaw ng halaga nito sa international market.

Tags: International market, kumpanya ng langis, oil price hike