Tila bumalik sa orihinal na bersyon ang proposed Bangsamoro Basic Law matapos isantabi ng mayorya ng ad hoc committee ang mosyon ng ilang kongresista na ang bersyon na pagbobotohan ay ang Chairman’s version ng BBL.
Sa isang panayam kay BAYAN Muna Rep. Neri Colmenares sa programang Huntahan, sinabi nito na malaki ang pagkakaiba ng Chairman’s version at ang bersyon na pinagbotohan kahapon.
Ayon kay Colmenares, sa Chairman’s version, tinanggal dito ang nasa sampung probisyon na kinakitaan ng paglabag sa Saligang Batas kasama na rito ang probisyon kaugnay sa pagtatatag ng sariling Commisssion on Audit, at ang kapangyarihan ng Office of the Ombudsman sa Bangsamoro.
Iginiit ni Colmenaras na bagaman may mga termino na binago, halos kapareho ito ng draft na binalangkas ng Bangsamoro Transition Commission.
Matatandaan nitong nakaraang weekend, ipinatawag sa Malakanyang ang mga miyembro ng ad hoc committee on the Bangsamoro Basic Law at pinakiusapan umano ng Pangulo na ipasa ang bersyon ng Palasyo.
Pahayag pa ng kongresista, ginagawa ng administration congressmen ang lahat nitong magagawa para mapabilis ang pag-apruba sa pinakahuling bersyon ng BBL. Hindi aniya ito imposible dahil sa overwhelming majority na pabor sa naturang bersyon.
Babala naman ni Colmenares na ang latest version na pinagbobotohan ngayon sa Kamara ay hindi magdudulot ng pangmatagalang kapayapaan sa Mindanao. (UNTV Radio)
Tags: AD HOC Committee, Bangsamoro, BBL, Neri Colmenares
Pinadalhan na ng subpoena ng Department of Justice sina Kabataan Partylist Representative Sara Elago, Dating Akbayan Representative Tom Villarin, Bayan Muna Chairman Neri Colmenares at iba ilang opisyal ng Anakbayan group.
Base sa dokumentong ipinadala ni Assistant State Prosecutor Christine Perolino, ipinatawag ang mga nasabing personalidad upang magpaliwanag kaugnay sa reklamong trafficking at child abuse na inihain ni Lucena Relissa Santos at ng PNP-Criminal Investigation and Detection Group laban sa kanila. Ito ay kaugnay ng naiulat na pagkawala ng high school student na si Alicia Lucena matapos umanong ma-recruit ng Anakbayan.
Una nang pinabulaanan ni Alicia na siya ay nawawala at dinukot ng grupo.
Samantala, dumipensa ang Malacañang sa inilaang 623 billion pesos na pondo para sa anti-insurgency program sa ilalim ng 2020 proposed national budget.
Ayon kay Cabinet Secretary Karlo Nograles, ang pondong ito ay para sa ginagawang pagpupulong ng Regional Peace and Order Council at Regional Development and Security Council upang mahikayat ang mga rebeldeng komunista na magbalik-loob sa pamahalaan.
Dagdag pa ni Nograles, “When the surrenderers come in, come back to the fold, may e-clip tayo na ginagastos for that, kasama sa e-clip yung livelihood component and all of these social benefits and social programs na binibigay natin sa kanila to entice them to come back to the folds of the government.”
Tags: DOJ, Neri Colmenares, Rep. Sarah Elago, Tom Villarin
Malacañang, Philippines – Sa bisa ng Executive Order Number 79, iniutos na ni Pangulong Rodrigo Duterte ang implementasyon sa normalisasyon bilang isang bahagi ng Comprehensive Agreement on the Bangsamoro sa pagitan ng Philippine Government at ng Moro Islamic Liberation Front o MILF.
Ang normalisasyon ay isang proseso kung saan tinitiyak ang pagkakaroon ng seguridad sa mga komunidad na naapektuhang ng deka-dekadang armadong hidwaan sa Mindanao.
Layon din nitong makabalik sa payapang buhay ang mga residente sa Bangsamoro at magkaroon ng kalidad na pamumuhay na walang takot sa anumang karahasan at krimen.
Bahagi rin nito ang decommissioning ng pwersa at armas ng MILF o pagbabalik sa tahimik na buhay-sibilyan at di paggamit na muli ng armas ng Bangsamoro Islamic Armed Forces at ang paglansag ng mga private armed group sa mga lugar na sakop ng Bangsamoro Autonomous Region in Muslim Mindanao o BARMM.
Gayundin ang pagpapaigting ng mga programa ng mga ahensya ng pamahalaan upang mapaunlad, ma-reconsruct at ma-rehabilitate ang mga lugar na apektado ng hidwaan sa rehiyon.
Kaalinsabay nito, iniutos din ni Pangulong Duterte ang pagbuo sa Inter-Cabinet Cluster Mechanism na tututok sa pagpapatupad ng Normalization Program.
Pinirmahan ng Punong Ehekutibo ang Executive Order kasunod ng ratipikasyon sa Bangsamoro Organic Law at pagkakatalaga ng mga miyembro ng Bangsamoro Transition Authority na mamamahala sa BARMM hanggang taong 2022.
Umaasa naman ang Malacañang na nakahanda ang MILF na sundin ang proseso sa ilalim nito partikular na ang Decommisioning Porcess sa armadong pwersa ng grupo.
Ayon kay Presidential Spokesperson and Legal Cousel Secretary Salvador Panelo, sigurado siyang susunod ang MILF at hawak-kamay na makikipagtulugungan sa pamamaraan ng gobyerno para makamit ang kapayapaan.
(Rosalie Coz | UNTV News)
Tags: Bangsamoro, Malacañang, Pangulong Duterte
Memorandum Order No.32 ni Pangulong Duterte, hindi puntirya ang oposisyon – Malacañang
Walang kinalaman sa nalalapit na eleksyon ang Memorandum Order No. 32 na inilabas ni Pangulong Rodrigo Duterte. Ito ang sagot ng Malacañang kaugnay sa pagkwestyon ni Bayan Muna chairman at senatorial candidate Neri Colmenares sa tyempo na pagpapalabas ng Pangulo ng naturang kautasan.
Sa ilalim ng Memorandum No. 32, inaatasan ng Pangulo ang liderato ng Armed Forces of the Philippines (AFP) na dagdagan ang pwersa ng militar sa mga lalawigan ng Samar, Bicol at Negros Island dahil sa umano’y paglaganap ng lawless violence.
Sa naunang pahayag ni Colmenares, nakapagtataka aniya ang biglaang pag-uutos nito ni Pangulong Duterte ilang buwan bago ang eleksyon, gayong sa nakalipas na dalawang taon ay marami na aniyang naitalang mga kaso ng pagpatay sa ilalim ng kasalukuyang administrasyon.
Binalaan ni Colmenares ang Pangulo na huwag gamitin ang kaniyang kapangyarihan laban sa mga kumakandidato mula sa oposisyon.
Pero ayon kay Presidential Spokesperson Salvador Panelo, hindi target ng Memo Order 32 ang oposisyon, taliwas sa akusasyon ni Colmenares.
Dinepensahan rin ng Malacañang ang pormal na pagpapalabas ng order ng Pangulo, gayong maari naman aniyang utusan na lamang ng Pangulo ang AFP gaya ng sinasabi ni Senator Panfilo Lacson.
( Asher Cadapan Jr. / UNTV Correspondent )
