METRO MANILA – Matumal pa ang bentahan ng holiday food items ngayong sa ilang supermarket at grocery stores.
Ayon sa Philippine Amalgamated Supermarkets Association, bagamat may sapat na supply mula sa manufacturer, posibleng nagko-control ang mga mamimili sa paggastos dahil na rin sa mahal ng mga bilihin.
Samantala, idinepensa naman ng Department of Trade and Industry (DTI) ang kanilang so-called price guide sa social media kung saan nakasaad na maaari nang pagkasyahin ng pamilyang may 4-5 miyembro ang P500 para sa kanilang holiday meal.
Sa isang panayam, sinabi ni DTI Assistant Secretary Ann Cabochan na ang infographics ay sinadya upang maging isang adbokasiya at hindi isang pagpataw sa mga mamimili o rekomendasyon sa kung ano ang bibilhin.
Batay sa price guide ng DTI, makabibili na ang mga mamimili ng spaghetti, pandesal, salad, baboy, ham at keso sa halagang wala pang P500 basta’t may mga pinakamurang tatak at pagpipilian.
Sa ilang pangunahing supermarkets ay may mabibili ang ating mga kababayan ng mga bundled holiday food items o kaya naman ay pang salad o di kaya ay parehong pang spaghetti o salad.
Kaya gaya ng laging payo ng DTI sa publiko, piliin kung saan mas makakamura at maging wais sa pagbili lalo na ngayong patuloy ang pagtaas ng inflation.
(Asher Cadapan Jr. | UNTV News)
Tags: Grocery, holiday, supermarket
METRO MANILA – Isinusulong sa senado ang panukalang madagdagan ang long weekends sa pamamagitan ng paglipat ng selebrasyon ng weekend holidays.
Sa Senate Bill 1651 na inihain ni Senator Raffy Tulfo, layong nitong maamyendahan ang Holiday Economics Law na nagpapahintulot na gunitain sa pinakamalapit na Lunes ang ilang holidays na papatak ng Sabado o Linggo.
Ayon sa senador, makakatulong aniya ito na mapalakas ang lokal na turismo ng bansa.
Maisusulong din aniya nito ang work-life balance para sa mga empleyado at mga estudyante dahil sa long weekends.
Dapat din aniyang maglabas ang pangulo ng proklamasyon sa unang Lunes ng Disyembre ng mga petsa na idedeklara bilang non-working holidays para sa susunod na taon.
Tags: holiday, long weekend
METRO MANILA – Patuloy ang pagtaas ng presyo ng mga imported na bilihin sa mga supermarket.
Ayon kay Steven Cua ng Philippine Amalgamated Supermarkets Association, ang isang paboritong luncheon meat na galing sa America ay tumaas ng 15% ang presyo o mahigit sa P30 bawat isa.
Paliwanag naman ng ekonomistang si Carlos Manapat, apektado ng pagbaba ng halaga ng piso ang lahat ng mga produktong may imported na materyales o sangkap dahil dolyar ang pambayad dito.
Ilan aniya sa maaaring makapagpataas ng halaga ng piso ay kung tataas ang remittance ng mga OFW at ang export capacity ng Pilipinas.
Makakatulong din aniya kung makakaakit ng mga investor gaya ng paghihikayat ni Pangulong Ferdinand Marcos Jr. sa ibang bansa.
Tags: Imported Products, supermarket
METRO MANILA – Umabot na sa 5.51 million ang mga Pilipinong nabakunahan ng first dose ng COVID-19 vaccine sa buong bansa as of June 16, 2021.
Samantalang, 2.012 million naman ang kumpleto na ang doses na natanggap laban sa COVID-19.
50 hanggang 70 milyong mamamayan ang target ng pamahalaang mabakunahan bago matapos ang taon.
Tiwala ang palasyo, makakamit ng Pilipinas ang maskless holiday sa December 25, 2021 gaya ng nararanasan na ngayon sa Israel at ibang dako ng Estados Unidos.
“Kaya po yan. Kaya nga po we are aiming for population protection kasi alam na natin sa mga bansang nakamit na nila ang containment, hindi na sila nagmamaskara at least sa outdoors gaya po ng Israel at ilang lugar sa Amerika.” ani Presidential Spokesperson Sec. Harry Roque.
Ayon naman sa isang biological sciences expert, achievable ito kung hindi magkakaroon ng problema sa arrival ng suplay ng bakuna sa bansa.
Dapat ding at least 250,000 doses sa isang araw ang mai-administer sa NCR Plus areas mula ngayong buwan ng Hunyo hanggang November 30, 2021 upang maabot ang containment sa Greater Manila Area gayundin ang tinatatarget na herd immunity.
“I follow the number of vaccinations in the ncr plus eight, we have the capacity as long as we have the supply. I am hopeful that the supplies are arriving based on the schedule that sec. Galvez has published.” ani UST Professor of Biological Sciences Prof. Nicanor Austriaco.
Giit pa nito, dapat mauna ang herd immunity kontra COVID-19 sa NCR Plus upang maiwasan ulit mangyari ang spill over ng virus sa iba pang bahagi ng bansa.
Samantala ayon pa sa biological science expert, hindi ginagamit ang bakuna upang tugunan ang kasalukuyang nararanasang mabilis na pagtaas ng COVID-19 cases sa ilang bahagi ng bansa kundi upang maiwasan ang future surge na karaniwang nag-uumpisa sa Greater Manila Area.
(Rosalie Coz | UNTV News)
Tags: Herd Immunity, holiday, Maskless
