Epektibo kahapon nirelieve sa pwesto ang battalion commander ng 87th Infantry Battalion na si Leutenant Colonel Arnel Floresca. Pansamantalang ipinalit kay Floresca si Major Rex Caranzo.

Ayon kay Major General Raul Farnacio, isa ito sa mga hakbang upang hindi umano mapagdudahan ang resulta ng isinasagawang imbestigasyon kaugnay ng nangyaring engkuwentro ng mga tauhan ng 805th Mobile Force Battalion ng PNP at 87th Infantry Battalion ng Philippine Army kung saan anim na pulis ang nasawi  at siyam ang sugatan.

Samantala, nauna nang nirelieve ng pamunuan ng PNP ang commander ng Regional Mobile Force Battalion na si Superintendent Glen Oliver Cinco at Chief Inspector Don Archie Suspeñe, ang commander ng 805th Manuever Company.

Tags: Infantry Battalion, nirelieve sa pwesto, PNP