Nagulat ang isang street sweeper sa South Luzon Expressway matapos makita ang bangkay ng isang lalaki na walang ulo malapit sa Sipit Bridge na bahagi na ng Calamba, Sto. Tomas bandang ala-una ng hapon ngayon lunes.

Nakasuot ang biktima ng camouflage na pang-itaas at maong na pang-ibaba at tinatayang nasa edad 40 hanggang 45.

Agad niya itong ipinagbigay-alam sa mga otoridad upang maimbestigahan.

Samantala sa bahagi naman ng Barangay Makiling sa lungsod pa rin ng Calamba ay isang bangkay naman ng babae na wala ring ulo ang natagpuan pasado alas-otso ng umaga.

Putol rin ang kanang kamay nito at walang ibang pagkakakilanlan sa katawan nang ito’y matagpuan.

Hinala ng mga otoridad, posibleng pinatay ang dalawa sa ibang lokasyon at itinapon lamang sa lugar.

Bagamat halos pareho ang paraan ng pagkakapaslang sa dalawa, hindi pa masasabi sa ngayon ng pulisya kung magkaugnay ang dalawang insidente.

Sa ngayon ay nakalagak na sa Green Lawn Memorial Services sa Calamba ang mga labi ng biktima. (Sherwin Culubong/UNTV News)

Tags: bangkay, Green Lawn Memorial Services, Sipit Bridge, South Luzon Expressway, street sweeper